Read Poumei Naga NEHEMIAH 11 Bible Online

NEHEMIAH 11 - Poumei Naga bible

NEHEMIAH 11

¹Süthai-apei maitao hai Jerusalem hinou hrüe, ae kukhe maitao hai kiphao kirou hinou kihikhamai ali hai rako zhuloua sheeyu Jerusalem nuhdu hi panou hrüe, ae kukhe maitao hai lahvei nuh teidei kukhe hinou hrütare.

²Lahnou Jerusalem nuhdu hinou hrüa bailai tea paopayu maiye sü maisou nou paosho peie.

³Nuhdu kukhe hi hai Israel mai, napao maitao, Levi maitao, rathoki souyu maitao, ae Solomon vei kilai souyu tyaosholea maitao nou lahkuku vei nuh teidei hinou hrüe. Jerusalem hinou hrüyu maitao hisü mai haitao nou peikho-e:

⁴Zekhariah vei tyao, Uzziah nahpoutu Athaiah. Puhvei puopaoh mai kukhetao hai Amariah, Shephatiah, ae Mahalalel, Judah nahpoutu Perez vei tyaosholea maitao-e.

⁵Kolhozeh tyao ae Baruah nahpoutu Maaseiah. Puhvei puopaoh kukhe maitao hai Hazaiah, Adaiah, Joiarib, ae Zekhariah, Judah nahpoutu Shelah vei tyaosholea maitao-e.

⁶Perez vei tyaosholeatao hinou lamoshoyu mai 468 hai Jerusalem hinou hrüe.

⁷Joed vei tyao, Meshullam nahpoutu Sallu. Puhvei puopaoh mai kukhetao hai Pedaiah, Kolaiah, Maaseiah, Ithiel, ae Jeshaiah.

⁸Sallu vei kityarai soua buyu Gabbai ae Sallai. Benjamin vei khü hinou Jerusalem hi hrüyu mai hrülai hai 928.

⁹Zikhri nahpoutu Joel nou puletao vei peikhowo nasü soue, ae puh khelo peichana hai Judah nahpoutu Hassenuah nou nuhdu hi peikho-e.

¹⁰Joiarib nahpoutu Jedaiah, ae Jakhim.

¹¹Meshullam tyao ae Hilkiah nahpoutu Seraiah. Puhvei puopaoh kukhe maitao hai Zadok, Meraioth, ae Ahitub, puhnou Napao Peichana soue.

¹²Khü haina hinou Rathoki hi kuvah souyu puletao mai hrülai hai 822. Pelaliah tyao Jeroham nahpoutu Adaiah. Puhvei puopaoh kukhe maitao hai Amzi, Zekhariah, Pashhur, ae Malkhijah.

¹³Khü haina hinou pfümounah vei peikho maitao teitei hai mai 242. Ahzai tyao, Azarel nahpoutu Amashsai. Puhvei puopaoh kukhe maitao hai Meshillemoth ae Immer.

¹⁴Khü haina hinou soureih souveih shoyu reihmai hai 128 bue. Puletao vei süthai-apeio hai Haggedolim nahpoutu Zabdiel nou soupeie.

¹⁵Azrikam tyao, Hasshub nahpoutu Shemaiah. Puhvei puopaoh maitao hai Hashabiah ae Bunni.

¹⁶Levi maitao hinou matsü shoa buyu Shabbethai ae Jozabad, puhai nou Rathoki vei vakou hi vahtao hai kho-a zhupeie.

¹⁷Asaph vei tyaosholea hinou Zabdi vei tyao, Mika nahpoutu Mattaniah. Puhnou Rathoki hi kalo vei veachi pao-a lousouyu maitaoye süthai peiwe. Bakbukiah nou Mattaniah ye babou peiwe. Jeduthun vei tyaosholea maitao hinou Galal vei tyao ae Shammua nahpoutu Abda.

¹⁸Sheeyu Jerusalem nuhdu hi Levi mai 284 bue.

¹⁹Akkub, Talmon, ae puletao vei kityarai maitao hai 172 bue.

²⁰Israel mai kukhetao, napao maitao ae Levi maitao hai Judah vei nuh teidei kukhehinou hrüe.

²¹Ana Rathoki vei kilai maitao hai Jerusalem hi Ophel tea buyu buh hinou hrüe; alia Ziha ae Gishpa nou puletao vei peikhowo sü soue.

²²Jerusalem hinou buyu Levi maitaoye Hashabiah tyao, Bani nahpoutu Uzzi nou peikhowo sü soua zhupeie. Puhvei puopaohmai kukhetao hai Mattaniah, Mika, ae puh hai rathoki hinou lou souyu Asaph vei khü hinoue.

²³Teithetsü lou souyu maitao nou reirei-a kabüa rathoki hi lou soua süthailai touyu zhai hai veo nou soupei khaitoue.

²⁴Meshezabel nahpoutu Pithahiah, Judah vei khü hinou buyu Zerah vei pfümounah puhnou Israel mai thaosoua Persia maivei chikuyu buh hisü loue.

²⁵Israel mai taoli hai lahvei ki-lu buyu nuh nghia nou bue. Judah maityatao nou Kiriath Arba, Sibon, ae Jekabzeel nuhdu, alia süpehao hinou buyu nuhtao hinou hrüe.

²⁶Puletao nou Jeshua, Moladah, Bethpelet,

²⁷ae Hazarshual, alia Beersheba nuhduta alia süpehao hinou buyu nuhtao hinou hrüe.

²⁸Puletao nou Ziklag ae Mekonah nuhdu hi alia süpehao hi buyu nuhtao,

²⁹Enrimmon, Zorah, Jarmuth,

³⁰Zanoah, Adullam alia süpehao hi buyu nuhtao hinou bue. Puletao nou Lakhish nuhdu ae süpehao hi buyu doutao, alia Azekah nuhdu hi, ae süpehao hi buyu nuhtao hinou hrüe. Judah hi maitao nou khelo buyu Beershaba hinou poa reilova buyu Hinnom Deikho hi khete hinou hrüe.

³¹Benjamin maityatao nou Geba, Mikhmash, Ai, Bethel nuhdu alia süpehao hi buyu nuhtao,

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboim, Neballat,

³⁵Lod, ae Ono, alia Shara souyu maivei Deikho hinou hrüe.

³⁶Judah maivei teidei hinou buyu Levi maime kamai-a panou Benjamin maitaoye koa hrüre donou dothou peie.