Read Poumei Naga TAPALOUYU 26 Bible Online

TAPALOUYU 26 - Poumei Naga bible

TAPALOUYU 26

¹“Ratho kipao ali, Eye panou bure donou haosah kirou nou soulo, süsü deizüzüyu sah ahai nou thaoloua daiyu, maomüyu ae hoyu sah aveih tyanou soulo. Sah sühisü shouh pfüyu khaona veishoa daothoulo.

²Haosah sütao sü sa-jha-a raibütoua bailai, süolouzü sa shoyu nou mitar kiahai, ae jha duyu nou mitar ahailai.

³Haosah angou taosü ali soua rüpalo, ae kukhe angou tao-a ali soua rüpalo.

⁴Me ali soua rüpakhai touyu haosah me araina hisü kaidu buyu sah madai na hinou thaithou rai phuloure donou soucha khailo; ae sübüa rüpakhai touyu me ahai na hia soucha khailo.

⁵Haosah me araina hinou buyu sah araina hisü thaithou rai phure donou qulu raingou soucha khailo, alia haosah me ahai chena hia kaidu buyu sah na hinou qulu raingou souchalo; sühai khenou qulu thaotoua panou bulai.

⁶Haosah sühaiye khipare donou sana nou khipayu tya raingou soulo, sübüa haosah süna ahaiye panou khipaloua rathoki sühi haosah sü ali bütoua panou bulo.

⁷“Ratho kipao pei hi hore donou nghitu mainou soukhai touyu haosah kiali soulo.

⁸Haosah sütao sü sajha-a raibükhai toulo, sa shoyu nou mitar kiasü, jha duyu nou mitar ahai.

⁹Haosah angou sü ali soua rüpalo, ae haosah arou taosü kua nou ali soua rüpalo alia haosah arou taosü dali hinou rakheiloua Rathokipao pa hi khailai.

¹⁰Haosah me araina hisü sah kaidu hi buyu na hisü thaithou rai phure donou qulu raingou souchalo; alia haosah me ahai chena hia dukai nou buyu sah na hisü qulu raingou souchalo.

¹¹Baosahu nou vaokhaire shuh raingou souloua haosah ahai sü pokou vaokhaire donou soulo, sübüa haosah ahai sü panou ali bütoua polou vaokhailai.

¹²Shokhaitoua buyu haosah dali lova hai Rathokipao thailova sü hakhailo.

¹³Lia buyu haosah taosü sahpao thea holo ae hailo sentimitar raingou shoa hakhailo.

¹⁴“Rathokipao pei hi hore donou sah ahai soupulo, ali sünou zhaotumai nou zhusa thoupa horakhai touyutya, alia kukhena sünou souhee nou veishoa soukhai touyu tyanou soulo.

¹⁵“Rathokipao poa soure süü khesü akasia süünou soulo.

¹⁶Poa kare kizha khesü mitar adai shah sholai, ae sentimitar 66 jha dulai.

¹⁷Kizhatao paimure donou kizha alili hinou qulu ahaihai souchalo. Kizha teitei hinou haibüa qulu ahaihai bukhai toulai.

¹⁸Ratho kipao khelovatha donou kizha kai soulo,

¹⁹ae sütao phi hi thoure donou shahu nou raidai soulo, kizha ali hisü phi ahaihai thoukhailai.

²⁰Reilovatha-a kare donou kizha kai soulo,

²¹ae sütao vei phi hi thoure donou shahu nou raidai soulo, süsü kizha ali hinou thoukhare ahaihai thoulai.

²²Kithailova, teinghi loulo hisü kizha arou thoure donou soulo,

²³ae kainghou hi kizha ahai thoure donou soulo.

²⁴Kainghou ahai hi thoukhai touyu kizha sünou phi hinou poa pei hi khete sü paimulai. Kainghou hi kizha ahai sü haibüa soulai.

²⁵Südonou kizha acha hisü shahu nou soukhai touyu phi kare kiarou, kizha ali hinou phi kare ahaihai thoulai.

²⁶“Poa Rathokipao tyare donou süü kiangou soulo, süsü tha alilova angou loulai,

²⁷ae alilo vatha nou angou loulai, alia kithailova, süsü teinghi loulovatha hia angou loulai.

²⁸Toutsü hinou kakoure süü nasü rathokipao akhai hinou poa alilovatha akhai koute tyakoulai.

²⁹Kare süütao hisü sana nou nealo, ae kayu süü nasü poa kayu süü hi dakhare donou sana nou souhao khailoua kayu süü hisü pokou tyayu süü nasü dakhalo. Tyayu süütao-a sana nou nealo.

³⁰Ratho kipao nasü Enou deichi vanou ne hi ngaopeiyu zhai thaifüa soulo.

³¹“Haosah ali daiyu, maomüyu ae hoyu loua deizüzüyu soumaipha nou ahai thaoloua daolo, alia süna hisü shouh pfüyu khaona cha daothoulo.

³²Haosah hai nasü akasia süü nou deka adai souloua sana nou neakhai touyu ae shahu nou phi hi sholabu soukhai toua sana nou vaokhaire donou soukhai touyu deka hisü haokhailo.

³³Haosah nasü kitsü khe deia haokoulo, ae sükhevai hisü vo sübvü pothou khailo; haosah sünanou sheeyu buh ae sheesheelai buh nasü khadeku khailai.

³⁴Zhuvea-apei buh nasü vo sübvü phao hi khailoua sheesheelai buh hisü pothou khailo.

³⁵Tebel nasü haosah vakou khailo, ae meivabvü khaibu nasü taibel khaiyu buh khelovatha khailai.

³⁶“Ratho kipao hi taloure vei haosah nasü daiyu, maomüyu ae hoyu loua züzüyu pha ahai thouloua daolo, alia sühisü zhai veitoua cha kuthoulo.

³⁷Haosah haokhaire donou akasia süü nou deka angou soulo, alia deka angou sütao hisü sana nou nealo ae haosah haokhaire donou sana nou vaokhaire shuh angou soulo; ae deka sütao poa sholare donou baosahu nou phi angou soulo.