Read Poumei Naga JOB 18 Bible Online

JOB 18 - Poumei Naga bible

JOB 18

¹Süthaisü Shuh puona Bildad nou chila peie:

²Job, ne chipaoyu taibailai mohiwu? Nenou ngasou bua Etao chi kei peiyu thaio Etao nou chi paolai hie.

³Etao hai cho-ngha büa tsü hayu mai-e touyu ne kabüa cholouwe?

⁴Nevei lekha rarou nanou lah neye souvealou baie, ne raroure tea nou deiphao hi bumoa tabai laivu? Neye panou rukha loure donou Ramai nou deichi sü buh poda peikhai laivu?

⁵Mai ashimai vei ava nasü sounghei bailai, puh vei meikei sü keipu moa nghei-a bailai.

⁶Puh vei sahpao hi meiva nasü maita-a bailai.

⁷Puh vei phika tsüshoa buyu nasü chuo lelouho loure, puh sü kaotare alia lah puh vei rüh hinou lou muloure.

⁸Puhnou rüh southou khaitouyu hi phika kakouyu donou puh phi sü rüh hi louloure,

⁹rüh nou puh vei phi sü mutsü touloure.

¹⁰Deiphi hi rüh ali southou kupei khaitoue, puh vei ludu hi rüh southou peikhai toue.

¹¹Puh vei pehao teitei sü ngaopiyu nou sühaopfüa buloure, ae puh vei phika teitei hisü thaifü poa taloure.

¹²Puh sü ha ngimai ali soue, ana chuo touhamai ali soure, hakare tyatyalih nou puhye sü sühao poa buloure.

¹³Sounou rashi nou puh vei pfüphao teitei taoloure, süvanou puh vei phi bah koute tangure.

¹⁴Puhnou kaozhou vei-a hrüyu sahpao hinou puhye sü paide pawure, alia puhye sü süthaisa-a Athai vei Veo hi vere.

¹⁵Rashi lalou more donou puh vei sahpao nasü poudzü thou kavuloua mai tarali noua lou bulou veire.

¹⁶Puh vei maa ae botao sü kitare.

¹⁷Puh vei zhih aveih sü ki hia ae vakou mai hia akhai soure, mai ali koute-a puhye sü lichopu more.

¹⁸Puhye sü ahri maivei teidei hinou hulaiwulai, ava buh hinou azhi buh hi huthou khaiwulai.

¹⁹Puh sü tyaonah ae kityarai mai ali-a hare.

²⁰Teinghi palova nou poa teinghi loulo koute hai puhnou veayu ko choulou-a mai kavavalai.

²¹Mai ashimai ae Ramai ye tsükhou moyu mai nou veahoyu sü haibülai.