Read Poumei Naga LOUTAO 143 Bible Online

LOUTAO 143 - Poumei Naga bible

LOUTAO 143

¹Oh MAPAOwo, avei veachi sü keipeio! Nevei checheyu nasü nou avei akho noupeio, nevei chilee checheyu nou Eye chila peio.

²Nevei kilai Eye sü panou veahoyu hi kabü laisa tea pothou peiso; daiolouzü nevei nghoujü hinou checheyu hai mailia hae.

³Eye ngaobayu maitao nou Eye thaihu loure, ae puletao nou Eye hraongu soupeiwure, ae raichoki nou thaitayu mai ali büa Ewo bubaire.

⁴Südonou Ewo soulou hore, thaokhai-a bailaire tea bure; Ewo veahoyu nou paoshalou hore.

⁵Enou raichoki vei teithe teile taohai licho-e; nenou soukhai touyu vah teitei hai Enou tsücho-e, nevei vah haso khesü Enou lichopoa nou bue.

⁶Enou abah lapoa nou ne hi veachi paoe; dei kirü touyu ali hai dzü reihshoa buyu büa avei rako nou neye sü jüpa sho-a bure.

⁷MAPAO, Eye chunou chila peio! Ewo areih touyu teitei nou hazei baie. Ne ahinou tuvai tutsü peiso, Ewo athai maivei teidei hi hotayu laire.

⁸Nevei tobai soumoa leshi peiyu nahai Eye shonachü nou süngao peio, daiolouzü Enou neye louchewe. Enou tare ludu nasü Eye ngaopeio, daiolouzü Enou ne hi veachi paoe.

⁹Oh MAPAOwo, Eye panou vupeire donou E ne hi vewe, ngaobayu maitao hinou Eye vupa peio.

¹⁰Ne hai avei Ramai-e; nevei jüpa leli nasü Eye doupeio. Ahi maiveih shopeio, ae Eye ludu aveih hinou süthaisa-a tapeio.

¹¹Oh MAPAOwo, nenou paokhai touyu thaifüa Eye vupa peio; nevei aveih nou Eye veahoyu teitei hinou khailupa peio.

¹²Daiolouzü nenou Eye leshiyu hinou Eye ngaobayu maitaoye southa peio, ae Eye souveayu maitaoye soukanghi peio, daiolouzü E hai nevei kilai baie.