Read Poumei Naga LOUTAO 17 Bible Online

LOUTAO 17 - Poumei Naga bible

LOUTAO 17

¹Oh MAPAOwo, Enou kaozü na thaipfü soupeio tea khoyu nasü keipeio, Enou kra — a soukha peio tea paoyu sü lenoua keipeio! Ale sheesha teanou veachi paoyu sü kei peio.

²Enou jüpayu hinou avei chi sü nenou keipeilai, daiolouzü kaozü nasü nenou süwe.

³Nenou avei tsüle sü süwe. Nenou ahi sü khei nou ve-e; nenou Eye kabüa busa touyu veishi sü zhuwe, ae hashi ali-a ahinou bua nenou ngaolou moe.

⁴Mai kukhemai büa Enou chila shi sü raomoe; Enou nevei chikha sü züloure, ae ashi mainou tayu ludu nasü thaowure.

⁵Teisa nou nevei ludu hisü Enou ta-a baiwe, ae teithe lia Enou sühinou tarei tavai tamoe.

⁶Enou ne hisü veachi paowe, Oh Ramai; daiolouzü nenou avei veachi sü kei peie; südonou ahilo reiloua Enou paoyu avei chipao khesü kei peio.

⁷Nevei khupa leshiyu nasü paongao peikhaio ae Eye khailupa peio; ne hinou bailouyu thaio, Eye ngaobayu maitao nghoujü nou E hai kaozhou vei bailai.

⁸Soutaosoua Eye zhutoua kho peio, nevei shouh khe hinou Eye poku peio,

⁹Eye soushilai tea buyu maishi maitao hinou. Eye ngaobayu maitao nou sühao poa buloure;

¹⁰puletao hisü zhuveayu aliro ha-e ae khaophu sousho-a chi pao-a bure.

¹¹Chuo puletao hai Enou tayu buh liki hisü veloua Eye soukhaore donou da-a buloure.

¹²Puletao hai khaosouveo büa Eye da-a buloure, Eye peide sasa khaire donou da-a buloure.

¹³Oh MAPAOwo, tave Eye dua buyu avei ngaoba maitaoye souka ngheipeio! Eye mai ashimai bah hinou nevei khoche nou poloua khailupa peio.

¹⁴Deiphao hai hinou jüpa ngaochekho-a buyu maitao hinou Eye khailupa peio. Nenou puletaoye souveare donou khaida khaitouyu nanou poa puletaoye tudee peio; puletao vei nahmaitao hi khayu jünou la-a nou souveapu peio, ae puletao vei nahmai tyaomaitaoye donoua khaida peio!

¹⁵Ana Ewo louzü neye ngaolai, daiolouzü Enou kaomo zümo vah ashi ali-a soumoe; ae Enou kaishuyu phaki, ne nghoujü nou sava-a nou neye rai-a bulai.