Read Poumei Naga LOUTAO 2 Bible Online

LOUTAO 2 - Poumei Naga bible

LOUTAO 2

¹Daidonou tyahrü khemai nou reih soua dure rohwe? Alia daidonou maikhe mai hai hamako hinou shodo ashi sü souwe?

²Deiphao hi veo maitao nou me souloue, ae peikho maitao nou kheichi phazholoua MAPAO hi ae puhnou dolouyu veoye hraiwe.

³“Etao-a puletao vei khakhe hinou lahdo soulou laikhe, puletao vei raiphu nasü, Eletao hinou popa laiwu laishe” tea puletao nou paoe.

⁴MAPAO nou rakiva puhvei vebuh hinou nüwe, alia puletao nou tsüchoa soudayu sü konüe.

⁵Süthaisü puhnou raroushoa puletaoye tukha peie, ae lekha shoa puletaoye pi-a paoe,

⁶“Avei sheeyu Zion deichi hisü Enou avei veoye sü buh thoupeiwure.”

⁷“MAPAO nou kharochi peikhai touyu taosü Enou paosü peilai” tea veo nou paoe. Puhnou ahi paoe, “Ne anahpoutu-e, zhou teithe hinou Enou nevei puo souloure.

⁸Kho khaio ae Enou tyahrü hrülaiye sü ne hi peilai, alia deiphao teitei sü panou nevei soulai.

⁹Nenou hu süda poloua puletaoye souphe peilai, nenou puletaoye nailee ali büa souphesasa peilai.”

¹⁰Chuo tudeeyu hai keilo, Oh veo maitaore; deiphao hi peichayu maitao, neletao haihai sülo.

¹¹Ngaopi shoa ae ngututua MAPAO vei kuvah soulo.

¹²Alia pi sholo ae nakou MAPAO ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.