Read Poumei Naga LOUTAO 38 Bible Online

LOUTAO 38 - Poumei Naga bible

LOUTAO 38

¹Oh MAPAOwo, nevei lekha rarou hinou Eye tudee peiso!

²Daiolouzü nevei voulouthou sünou avasou hi kapeiwure, ae ne bah nou Eye keitsü loure.

³Nenou lekhayu donou avei ke-zhe teitei sü veiyu ali-a hare, avei mah donou avei pfüphao veishi sü sounou khaibaire.

⁴Avei mahtao hai apei hi khetere, sütao pfüre hai Eye donou sülere.

⁵Daiolouzü E voyu donou avei sou zhimü khesü tangi pare.

⁶E veashore, ae Eye deiphi hi dakhao kou khai peiwure; Esü dopfüa le koute-a bua baire.

⁷Esü rachiyu nou mei rouyu büa bubaire, ae Esü thaiyu laire.

⁸Esü lülou hore, ae veasho loure; ale vea-a buyu donou Esü lea nou bubaire.

⁹Oh MAPAOwo, Enou dai-e jüpawe touyu sü nenou süwe; Enou lepoa buyu sü nenou chouwe.

¹⁰Avei lüthou sü paodoudoua bubaire, avei khouko sü hatare, ae avei nghithou hi vayu nasü hatare.

¹¹Avei samaitao ae kinapa maitao hai Enou soua avasou hi tangiyu buyu donou anghiki koubare; avei kihikhamai koute-a ahinou hotare.

¹²Eye southalai tea phoua laiyu maitao nou Eye nüloulai tea rüh southouwe, ae Eye soushilai tea buyu maitao nou Eye paopiwe; puletao nou Eye soushi souhare donou thaokhai toumoa tsüchoda-a bue.

¹³Esü noupeyu mai ali büa choulou hore, la hayu mai ali büa raolou hore.

¹⁴Cheche vuzünou, Esü choulou hoyu mai ali büre, ae maiye chalou hoyu mai ali büre.

¹⁵Ana Enou neye louchewe, Oh MAPAOwo; Enou ne vu sü kho-a bue, Oh MAPAOwo avei Ramai, Eye chila peio.

¹⁶Avei veahoyu donou Eye ngaobayu maitaoye panou konü peiso; Enou kaodu tayu donou puletaoye panou khaophu souso.

¹⁷Daiolouzü Esü kaodu talaire tea bure, ae avei sounou nasü shipu lailai-a baire.

¹⁸Enou avei mahmo khesü paopawe; avei mah donou Esü levea shore.

¹⁹Eye ngaobayu maitao hai pfüphao-a veishore ae khouko busho loure; kaomoyu hinou Eye ngaorayu maitao hai pousho loure.

²⁰Aveih soupeiyu thaosü ashi nou paoh khapeiyu maitao nou Eye duloure, daiolouzü Enou kaozü nasü soulai tea teyu donou.

²¹Oh MAPAOwo, Eye thaongai peiso; ahinou hota peiso, avei Ramai!

²²Eye khailupa apeio MAPAOwo, thasho-a chunou Eye soukha peio!