Read Poumei Naga LOUTAO 4 Bible Online

LOUTAO 4 - Poumei Naga bible

LOUTAO 4

¹Oh Ramai, Eye vupeiyupu, Enou ne hi veachi paoyu phaki akho keipeio. E vea-a buyu phaki, nenou Eye soukha peie; Eye zhuvea peikhaio, alia avei veachi noupeio.

²Oh maikhe maitaore, neletao Eye teile daisoa hraongu soupeilai? Teile kasoa neletao nou kaomoyu naye leshia cheche moyu naye sü thaihu talaige?

³MAPAO nou acheche maiye lah puhvei souloure donou dokupa loure touyu licholo, alia Enou puhye kuyu phaki puhnou apai sü keinou peie.

⁴Ngaopi sholo alia mahmo souyu thaowo; ne züphao nou dazüa buyu phaki hai vanou thou-a tsücho khaio.

⁵Acheche vei sheelayu nanou MAPAOye poa thokhaio, alia nevei lü sü MAPAO hi khailo.

⁶Haibüa veachi paoyu mai alao bue: “Oh MAPAOwo, nevei shiha sü Eye peipuraio, Nevei leshi sünou Eye zhupeio!”

⁷Ana nenou Eye asah peikhai touyu nahai thou-dzü alao buyu mai jünou veipu hie.

⁸Enou kaonaphi-a zülai ae zhiloulai, Oh MAPAOwo, ne likhei nou Eye kaozhou aveih chekho-a peia baie.