Read Poumei Naga LOUTAO 42 Bible Online

LOUTAO 42 - Poumei Naga bible

LOUTAO 42

¹Shuh ali nou kaorou teanou kü kouyu reidzü aliye thainüyu büa Oh Ramai, Enou neye sü thainü shoa nou bue.

²Hrüyu Ramai, Enou neye sü reisho-a nou kho-a bue; Enou duki taho nevei nghoujü hinou neye tholou laige?

³Hea-khei sümoa Esü kra-a bubaire, ae ngheidzü sünou avei touso soua hrüa bubaire. Eye ngaobayu maitao nou tobai soumoa ahinou, “Nevei Ramai sü daikinou bue?” tea noua bubaire.

⁴Enou maisouye süthaisa-a Ramai vei ki hi asa shopoa shusoua Ramai ye paoshoyu lou souyu khesü licho velouyu phaki ale sü pepoa baie.

⁵Daidonou E leveawe? Daidonou E veaho shoge? Avei areih nasü Ramai hinou bua bailai, ae Eye khailupa — apeio, avei Ramai puhye Enou paoshopu laihie.

⁶Vakou maivei teidei hinou Esü ale pepo-a nou bue, ae Enou puhye sü tsü chove loue. Zaidzü houyu büa puhnou ahisü veahoyu hai seive peie, haomakao-a bürarouyu sü dzüdu veyu büa ahi ve-e, Jordan reidzü nou Hermon Deichi ae Mizir Deichi hinou kükouyu phaki teisüyu kho büa payu kua nou ahi sü ve-e.

⁸MAPAO ye panou puhvei tobai soumoa leshi peiyu nasü Eye hea kou ngaopeio, sükulouzü kheikou hai E lou soure sü bulai, hriyu Ramai hi Enou veachi paolai.

⁹Eye vupa apeio Ramai hi Enou paoe, “Ne daisounou Eye ngaiwe? Zhaipou shisho-a buyu ngaoba maitao bah hinou daisounou Eye panou vea shoa nou buwe?”

¹⁰Puletao nou Eye chishi lashi nou heikou heikhe-a “Nevei Ramai sü daiki bue?” tea paoyu donou E sü veaho shore.

¹¹Daidonou Esü leveage? Daidonou E hai veahoshoa nou buwe? Avei areih nasü Ramai hinou bua bailai, ae Eye khailupa-apeio avei Ramai ye Enou paosho peipu laihie.