Read Poumei Naga LOUTAO 87 Bible Online

LOUTAO 87 - Poumei Naga bible

LOUTAO 87

¹MAPAO nou puhvei nuhdu nasü sheeyu deichi hinou soushu khaitoue;

²Puhnou Israel maivei teidei kukhe jünou Jerusalem nuhdu naye leshipu hie.

³Ramai vei nuhdu nare, neye donou khupayu chipao paopei khaitouyu nasü keilo:

⁴“Achi züyu tyahrütao zhih rüthouyu hisü Enou Ejipt ae Babilon puhai zhih-a thoupeilai; Enou Jerusalem hinou hrüyu maitao pei phouyu hisü Philistin, Tair, ae Ethiopia maitao zhih-a phouthou peilai.”

⁵Zion ye haibüa mainou paolai, tyahrü veishi sü haina vei baie, ae Khoukhoulai puhnou puhye sü soukhou souduso peilai.

⁶MAPAO nou maipei phouyu phaki mai hrülaiye sü Jerusalem nuhdu hi mai-e tea rüthou peilai.

⁷Puletao nou chopoa nou haibüa lou sou-e, “Shiha teitei sü Zion hinou ve-we.”