Read Poumei Naga TSÜCHITAO 2 Bible Online

TSÜCHITAO 2 - Poumei Naga bible

TSÜCHITAO 2

¹Anahna, Enou neye paodou peiyu avei chipaotao sü polo, alia avei kharochitao sü ne hi pojü khailo.

²Tsüvei nasü kei toulo ae sünasü süloure donou telo.

³Ouvai, nenou shurasoua tsünghi kho louzü, ae paipa-a tsüsü kho louzü;

⁴nenou sünaye shahu büa phoulouzü, alia sünasü pokukhai touyu chingi büa phou louzü;

⁵sütou louzü MAPAO ye piyu hai nenou süloulai, ae Ramai vei tsüdo nasü ngaoloulai.

⁶Daiolouzü MAPAO nou ratsü hai peiwe; Puh mü hinou tsüvei ae sükulou süyu nasü pawe.

⁷Puhnou maiveih maiye donou tsüvei sü pojüwe; Puh hai checheyu mai vei rüe.

⁸Puhnou kaozü maivei ludu sü khopeiwe, alia sheeyu mai bo vupei-a bue.

⁹Nenou achi kei louzü, nenou acheche, kaozü ae veiyu nasü süloulai.

¹⁰Ne sü tsüvei palai, ae tsüdo aveih nasünou neye souvasa peilai.

¹¹Aveih ashi dokulou süyu nanou neye zhupeilai; ae tsüsü nanou neye khopeilai,

¹²ae neye ashi ludu hinou vupa peilai, kaozü moyu chipao paoyu maitao hinou povailai peilai—

¹³checheyu bo thaowua azhi hinou ta-a bumai hinou;

¹⁴ashi souyu hi lesayu mai, alia vah ashi souyu jüpa-a buyu maitao hinou;

¹⁵shodo veimoyu maitao hinou, alia ludu zümo hi tayu maitao hinou neye vupa peilai.

¹⁶Neye chilee moyu naotumai, honapai vei mü theayu chipaotao hinou vupa peilai;

¹⁷nahle-a buki puh paye thaoyu naotu, alia puhvei Ramai hi vo soukhai touyu nasü ngaiyu naotupai hinou turei taloulai.

¹⁸Daiolouzü honapai vei ki sü athai hi leilou baiwe, alia honapai vei bo sü mai-zhi hi vewe;

¹⁹honapai hi veyu mai lia khaive moe, hriloure vei bo-a ngao dakhailou moe.

²⁰Südonou ne sü mai aveih mai ludu hinou talo alia acheche mai hrü hinou hülo.

²¹Daiolouzü acheche mai — chilee checheyu mainou Etao vei teidei hai hisü hrülai.

²²Ana Ramai nou maishiyu mai alia mah souyu maiye sü teidei hai hinou poube ali hai kamaa hinou paila laiyu büa pailai-a bailai.