Read Poumei Naga KOPAODOUWO 12 Bible Online

KOPAODOUWO 12 - Poumei Naga bible

KOPAODOUWO 12

¹Ashi teithetao vemo jünou, alia nenou “E savayu hare,” teanou paolaiyu poteitao nghivemo jünou, neye Sou-apeio ye sü ne nahle-a bukinou licholo.

²Khouh teinghi ae ava, alia teivuh haitao zhitamo jünou alia teihao nou teiro thai khaivemo jünou;

³ki khoyu mainou pinguyu teithe vemo jünou, alia khouchiyu maitaoye rashayu, alia thou saoyu naotu taonou mai chileyu donou saomoa baimo jünou, alia vabomü hinou zhupayu phaki rara-a ngaotamo jünou,

⁴kijüdu hi kikhutao khumo jünou, alia thousaoyu kho choulouho tamo jünou, alia raohou rayu süloua tashuyu phaki, alia lou souyu nahnaotutao pai khosü khaitamo jünou;

⁵aku buhtaoye pitamo jünou, alia ngaopiyu nou ludu hi bumo jünou; khuhshibe nou pahpa mojünou, alia khahzü nou chopa mojünou ae jüpa hatamo jünou; daiolouzü mai hai teisa puletao vei ki hi veta bailai, alia dongai pfüyu mainou jüdu hinou talai.

⁶Shahu rai detamo jünou, moa sana khaosao petamo jünou, moa likhou hai dzühou hinou petamo jünou, moa lukiphi hai dzübvü hinou petamo jünou,

⁷alia naihü hai lezhai soua dei hi dakhai tamo jünou, alia rako hai peiyu paopu Ramai hi khaitamo jünou neye sou-apeio ye sü ne nahle-a bukinou licholo.

⁸Hamako vei hamako baie tea Kopaodouwo nou paoe; teitei hai hako baie.

⁹Tsüveiyu bai moa nou, Kopaodouwo nou maikhe maiye tsüsüa doupeie, sühdouyu ae tsüphouyu alia soutaosou tsüchi zekoyu hai-a doupeie.

¹⁰Kopaodouwo nou keivei shoyu lako phou-e, puhnou maiche-a cheche hinou rüe.

¹¹Tsüvei maivei chipao hai chokhaorü khoyu maivei süda büe, alia hushu veachü tukhaiyu li büa zhaokho mai livei chipao pojü khaitiyu hai.

¹²Anahna, haitao jünou latayu hatali vanou leikeilo. Larübvü popayu hai akhai hae, alia alaosou tsüphouyu hai pfüzoye donou veayu alie.

¹³Haina vei akhai soua; teitei sü chouloure. Ramai ye ngaopilo, alia puhvei kharochi zülo; daiolouzü haina hai mai hrülai nou souzüyu vah-e.

¹⁴Daiolouzü Ramai nou haso teitei hai chikuyu hisü pothoulai, khei-a nou soukhai tiyu vah pfüphou nou, veiyuma shiyuma chikuyu hisü popa thouvu zülai.