Read Poumei Naga SOLOMON VEI LOU 3 Bible Online

SOLOMON VEI LOU 3 - Poumei Naga bible

SOLOMON VEI LOU 3

¹Kheikou azüphao hinou, ahrümai nou loua leshiyu puhye sü phoue; E puhye phoue, ana ngaolou moe; E puhye la-e, ana puhnou keala peimore.

²Chuo E tashu loua nuhdu hisü hotalai, taho züdu alia kibvü kinou Aleshipu ye sü phoutalai. Enou puhye phoue, ana puhye phou hare.

³Enou nuh sühao-a zhutayu phaki nuh khomai ye ngao-e, Enou puletao hi noue, “Neletao aleshipu ye ngao homoe?”

⁴E puletao ye tacho poa takouyu phaki, Ahrümai nou loua leshiyu aleshipu ye ngaoloue. Enou puhye kholoure, alia puhye apfü ki hi salou loumo koute, alia apfü nou Eye hrülouyu kide nahi salou loumo koute puhye Enou phapei laimoe.

⁵Oh Jerusalem hi naotu maitaore, E neletao hinou khowe, taveiyu kho-shu zhih hinou lesha naye lah puh jüpa souche loumo koute, neletao nou puhye daishu moa daikailai moe tea chaachou soupeio.

⁶Rükou nou meikhao vei deka büa pa-a buyu kaivei pou alia kaivei theadzü husoumai nou poa laiyu nahai daie?

⁷Zhukhaio, haihai Solomon vei vebue! Süpehao hisü Israel maitao hrohinou khouko veishoyu khouko abu mai rairou laie.

⁸Puletao hrülai hai khoche poveiwe; alia reih sousü mai khai touwe. Kheikou ha ashi vepare dure donou puletao hrülai hai khoche pfükhai touwe.

⁹Veo Solomon ye kaopore buh nahai veikayu Lebanon hi vaosü nou soukhai toue.

¹⁰Süna vei deka khesü shahu nou soukhai toue, phaovü nasü sana nou soue, alia buh bure nahisü zaiyu sah nou khukhai toue, süsü Jerusalem hi naotumai taonou hüvei shoa nga southou pei khaitoue.

¹¹Oh Zion hi nah naotumai taore, takou veo Solomon ye zhukhaio. Puh hai puh pfünou puhvei shanghi souyu teithe, puhvei asayu teithe hi rüpeiyu vepeirü nasü rüpoa laire.