Read Poumei Naga SOLOMON VEI LOU 7 Bible Online

SOLOMON VEI LOU 7 - Poumei Naga bible

SOLOMON VEI LOU 7

¹Oh vemaipfü büa ngaveiyu pai, ne phipha hai raidao phika nouyu phaki daizhouzhou ngaoveisa! Ne nahke hai raishoyu mainou mutei chuh nou soukhai touyu büre.

²Ne poula hai thouhrü khaitouyu rashidzü teisa nou hakhai moyu pai ali büe. Ne pou hai southou hinou lily poupa nou sühao khaitoua buyu büwe.

³Nevei naonao ahai hai shuhteuteu pa-a toukhai touyu büre, alia kholü ahai buyu büre.

⁴Ne ngu hai praongi nou souyu ki aku ali büe, Ne nghithou sü Heshbon hi dzübvütao Bathrabbim robomü peh hinou buyu büre. Ne nghou sü Damaskas hilo zhuchopoa buyu Lebanon hi ki kuyu ali büe.

⁵Ne pei nou neye Karmel deichi büa vepeirü rüpeie, alia nevei peishu shubo veih hai zaiyu sah aveih khana büre; haina vei aveih sünou vemai ali koute-a nükhaiwu baie.

⁶Daizhou koute ne hai hüveisa, alia savade sarou; Oh leshiyu napai, vashoyu naotupai!

⁷Ne hai nghabe ali büa lachü toue, alia ne nao hai süna vei bo büre.

⁸Enou paoe, E nghabe na hi ngaopalai, alia sühi botao hinou pa rashi sü hailai. Oh! ne naonao ye sü panou darkhashi nou naoyu bütheo, alia ne ssü hai panou phoshi kaivei büo.

⁹Alia nevei mümu apei nahai panou rashidzü veikayu büpeio. Panou maohzüzüyu rashidzü nasü Aleshipu vei mütai ae huh hinou küpoa louwuo.

¹⁰Esü aleshipu veie, alia puhvei jüpa nasü E baie.

¹¹Khe, aleshipu ahai koa sühao talai, alia rükounou ho zü bailai she.

¹²Koa darkha kipei hi zishoa nou talai khe, alia darkhabe hai lahpa pamoyu zhulai, darkha pa pahpa pamoyu zhulai, ae vajüshithou be pah pamoyu zhulai. Sühinou alesha sü E neye peilai.

¹³Kaivei shoyu mandrak kai hai ne nghia bailai, alia ahai kikhu pei hisü touveiyu rashi tya teitei nou bue, Enou neye peire donou ashutya ae kutya pokhai pei khaitoue, Oh aleshipu.