Read Poumei Naga ISAIAH 15 Bible Online

ISAIAH 15 - Poumei Naga bible

ISAIAH 15

¹Moab donou paopeiyu chipao sü haitao-e: Ar ae Kir nuhdu ahai sü khei-zhou ali hinou souhare, alia Moab maivei teidei teitei sü soushikhai touwure.

²Dibon hi hrüyu mai khesü kuyu buh kinou krare donou tare. Moab hi maitao sü Nebo ae Medeba nuhdu donou kra-a bure, puletao vei pishu ae khoumai khesü sai-a dopfüa bure.

³Puletao nou ludu kinou soukou/ngulousah banouloua dopfüa laire, alia kipei kinou ae kijüdu kinou kra-a dopfüa bure.

⁴Heshbon ae Elealeh mainou dopfü krayu paisü Jehaz hi koutea choukoure; südonou Moab hi reihmaitao-a ngaopisho-a bure.

⁵Moab maiye donou ale vea-a kra-e! Puletao nou Zoar hi, ae Eglath Shelishiyah hi shetumai soua tave bure, kamai-a kra-a nou Luhith ludu hilo tukhe-e, kamai-a nou shusou kra-a Horonaim ludu hilo tare.

⁶Nimrin hi reitou nasü thetare, reipe hinou buyu poudai khesü thaitare, poudai khesü lapapu more, daiva-a buyu teitei sü hazhi toure.

⁷Südonou maikhe maisü puletao vei buyu nangi khesü poloua dzü buyu Willows Deikho hilo hrülai tyanou tutare.

⁸Maikhe mainou krayu paisü Moab maivei deirai teitei hi chouve khaire, puletao nou krayu pai sü hai Eglaim ae Beerelim nuhdu hi koute-a choure.

⁹Dibon nuhdu hi buyu rei teitei sü zhe khaibaire, ana Ramai nou sühi hrüa buyu maitao hisü hai jünou shi pua soulai hie. Moab teidei hinou tupa louyu maitao ae shokhaitoua buyu mai hrülai hisü veahoyu peipu lahie-e.