Read Poumei Naga JEREMIAH 47 Bible Online

JEREMIAH 47 - Poumei Naga bible

JEREMIAH 47

¹Ejipt hi veo nou Gaza hi reih huloumo jünou, MAPAO nou Philistin mai vanou ahi haibüa paoe:

²“Zhukhaio! Reilova nou dzü dusho pare, ae dzüdu veyu büa kükou laire. Puletao nou teidei veishi sü holoulai, nuhdutao ae sühinou hrüa buyu mai hrülaiye sü paoloulai. Maikhe mainou shusoua soukha peio tea kholai; ae deiphao mai hrülai dopfüa kralai.

³Puletao nou rhei phi kho sü choulai, rheiluki nou tayu phikho sü choulai. Pfüpuo maitao nou lahvei nahmaitaoye reikhaive zhulai moe; puletao vei bah sü lülou hoa bailai,

⁴daiolouzü Philistin maiye souhare teile sü vere, Tair ae Sidon ye soukha louveiyu ludu veishi sü soude laiwulai. MAPAO Enou Kaphtor zaipe hinou shokhaitoua buyu Philistin maiye sü souhalai.

⁵Gaza mai sü leveayu donou pei saiwulai, Ashkelon sü hata-a bailai. Oh shokhaitoua buyu Anakim maitaore, neletao teile kaso dopfüa bulaige?

⁶Oh MAPAO vei khoche! Teile daisho nenou reikou reikhe-a bulaige? Ne khokhabvü hisü loubu ta-o, sühinou ngasou solo!

⁷Enou taho vah soukhaio tea paopeiyu thaisü hai nasü kabüa ngasou bulou khailai? Enou hai nasü Ashkelon maiye dukhaio ae zaipe hinou hrüyu maitaoye reih soukhaio tea kharochi peiwure.”