Read Poumei Naga HOSEA 12 Bible Online

HOSEA 12 - Poumei Naga bible

HOSEA 12

¹Ephraim mainou zhaotuye khoyu büa teikhai ye sü khowe, alia heamajü teinghi palao teikhai ye thaihua laiwe; puletao hisü madayu alia taidayu hai papu khaikhai baire; puletao nou Asairia maiye koa ae-ao touyu vo souwe, alia Ejipt teidei hi theadzü seitawe.

²MAPAO nou Judah mai hisü aetou moyu bure, alia Israel mainou souyu vah na thaifüa puletaoye sü tudee souwulai.

³Jakob nou pfüpou hi bukinou puh jürai Esau ye duwe, alia puhnou dupa khaie Ramai ye nüvaye.

⁴Puhnou raki vamaia povae alia veiloue; puhnou süthai kra-a Ramai vei hasü kholouwe. Puhnou Ramai ye Bethel hinou daoe alia sühinou Ramai nou puh hi paoe.

⁵Hali-hala pei hinou MAPAO soua buyu Ramai MAPAO sü E-e!

⁶“Südonou chuo neletao, nele Ramai soukha hinou dakhai velo, lesha alia kaozü yesü soutao soua potoulo, alia tobai soumoa Ramai ye kholo.”

⁷MAPAO nou paoe, “Huha souyu mai nou kaomoyu süh doukhao ponüe, alia puletao nou maiye souveayu jüpae.

⁸Israel mainou paoe, ‘Ewo hanghiwe, Enou chingi sü pojü loure. Do-ashi hinou Enou toungi louyu haio mai linoua Eye mah paodu khaipei louhoe.’

⁹Ana nevei Ramai MAPAO, neye Ejipt hinou sapa peiyu Enou neletao ye peima raiki büa sahpao hisü dakhai lou hrüpuwulai.

¹⁰“Enou rachipaolai maiye pa paopeie, alia puletao hi zho taoli ngaopeie, Rachipaolawo nou pa neletao hi nadachi paopeie.

¹¹Gilead hinou soumah louzü, puletao hai veikhai mosoua hata bailai; puletao nou Gilgal hinou chode ye posheela louzü, puletao vei rathoki sü dousha khaitouyu hi chuh pojü khaituyu büa dopa laiwu bailai.”

¹²Jakob nou Aram teidei hi tuve, sühinou Israel nou khapfü ye donou kilai soue, alia puhnou khapfü ye donou zhaotua khowe.

¹³Rachi paolai mainou pa Israel maiye Ejipt teidei hinou sapapeie, alia puletaoye sü Rachi paolayu mainou pa kikopeie.

¹⁴Ana Israel mainou MAPAO vei rarou-lekha vah sü souwure; südonou puletao hai puhtao vei mah thaifüa veahoyu sü ngaolai. Puletao nou kaozü moyu vah souyu donou MAPAO nou puletaoye sü tudee apei soulai.