Read Poumei Naga HOSEA 5 Bible Online

HOSEA 5 - Poumei Naga bible

HOSEA 5

¹“He Napao maitaore, haihai keilo! He Israel maitaore, leloua chi hai keilo! Oh vemaitaore, kei khaio! Chikure sü ne pei hi velai! Daivanou touyuo ne sü Mizpah hi rüh, Tabor deichi hi sho alia

²Shittim nuhdu hi thoushoyu kaobvü ali soure, Enou neletao hrülaiye tudee soulai.

³Enou Ephraim maiye süwe, alia Israel mainou anghou jünou tutsü louhoe; daiolouzü chuo, Oh Ephraim, nenou khakha vah sü souwure; Israel ye sü souzhaiwure.”

⁴Lah puletao nou souyu vah sovei nanou puletaoye sü panou Ramai hi dakhai veloure ludu dakhawu baire, daiolouzü puletao nou chilee moyu hrü hüyu jüpaloua MAPAO ye sülou more.

⁵Israel vei khaophu sünou puletao pei hi züa shawe; Israel mai alia Ephraim-a phi süloure; Judah mai-a puletao ye koa phi süzho loure.

⁶Zhaotu alia kikhaorü nou koa puletao nou MAPAO ye sü phoutalai, ana puletao nou MAPAO ye ngaolou laimoe; daivanou toulouzü MAPAO nou puletao ye thaowure.

⁷MAPAO ye louche moyu vah sü soua baire; daiolouzü puletao nahmai hai vakou maiye na-a baire. Südonou chuo puletaoye sü puletao vei teidei noupu souhawulai.

⁸Gibeah hinou nghakai sü houkhaio, Ramah hinou shabe sü houkhaio. Bethaven hinou reihvo sü soukhaio; reihsü soutakhaio, He Benjamin maitaore!

⁹Israel maiye tudee-a souveayu teile sü velaire, süphaki puletao hai pepoa hakata bailai; süsü veikhai mosoua Israel mai hi palaido!

¹⁰“Judah hi vemai nahtao hai deirai chuh lalaiyu mai büa baire; puletao hisü Enou Avei rarou sü dzüdu büa lakoulai.

¹¹Israel hai veashoa bure; daivanou toulouzü puletaoye soukha peilou hoyu mainou phoua laiyu donou, puletao nou ngaozü teideia hawure.

¹²Südonou E hai Israel maiye donou rükhao bülai, alia Judah kihikhamai ye donou ta-nguyu ali bülai.

¹³“Ephraim mainou puletao nou souhyu sou ngaolouyu phaki alia Judah mainou puhvei zheemü ngaolouyu phaki, Ephraim mainou Assaria mai hi tare, taho veo adu nahinou soukhasü khotare, ana puhnou puletao vei sousü souvei peilouhoe, mokhaia zheemü sü souveipei louhoe.

¹⁴Daiolouzü Enou Ephraim alia Judah kihikha maiye sü kipeikhaodu ali büa dulai. Enou puletaoye sü paide paisawua thao bailai. Enou puletao ye hulaiyu phaki mai alinoua puletaoye ve vupa peilou hoe.

¹⁵“Puletao nou lah mah vanou veasho mokoute, alia Eye phou shia dakhai vemo koute Enou puletaoye sü thaowulai. Puletao nou veahoyu thainou Eye phou velai.”