Read Poumei Naga MAIPEI PHOUYU 1 Bible Online

MAIPEI PHOUYU 1 - Poumei Naga bible

MAIPEI PHOUYU 1

¹Israel mainou Ejipt teidei thaokhaiwua tapayu po ahai navei khouh ahai vei khoukha ali zhou hai neletao nou Sahpao haopoa buyu Sinai radeiki hinou MAPAO nou Moses hi haibüa paoe,

²“Aaron nehai Israel mai hrülaiye puletao vei khü-khü nou ae kihikha alili nou maipei phoukhaio. Poutumai touyu hrülaiye hai

³po kai payu ae süjünou layu mai hrülai hai panou soureih soure donou zhih rüthoulo.

⁴Khü alili hinou peikhomai chekhei hai nehaiye panou soukhare donou kulo.”

⁵Mai haitao hai nehaiye panou soukha peire donou peikho maitao-e: [Khü] — [Peikhona] Reuben: — Shedeur nahpoutu Elizur Simeon: — Zurishaddai nahpoutu Shelumiel Judah: — Amminadab nahpoutu Nahshon Issakar: — Zuar nahpoutu Nethanel Zebulun: — Helon nahpoutu Eliab Ephraim: — Ammihud nahpoutu Elishama Manasseh: — Pedahzur nahpoutu Gamaliel Benjamin: — Gideoni nahpoutu Abidan Dan: — Ammishaddai nahpoutu Ahiezer Asher: — Okhran nahpoutu Pagiel Gad: — Deuel nahpoutu Eliasaph Naphtali: — Enan nahpoutu Ahira

¹⁷Zhih peikhai touyu mai haitao kiahai hai Moses ae Aaron nou saloua

¹⁸khouh ahai navei khoukha arai zhou mai hrülaiye sü kuve jüloure ae puletaoye khü-khü nou ae kihikha mai alili nou zhih rüloure. Po kai payu ae süjünou layu poutumai hrülaiye sü mai pei phouloua puletao zhih rüloue.

¹⁹MAPAO nou kharochi peikhai touyu thaifüa Moses nou maikhe mai zhih hai Sinai radeiki hinou rüloure.

²⁰Po kai payu ae süjünou la-a buyu mai hrülai hai Jakob nahpoutu tsükhana Reuben zhih hinou rüpoa tayu hai mai haitao-e: [Khü] — [Maipei] Reuben — 46,500 Simeon — 59,300 Gad — 45,650 Judah — 74,600 Issakar — 54,400 Zebulun — 57,400 Ephraim — 40,500 Manasseh — 32,200 Benjamin — 35,400 Dan — 62,700 Asher — 41,500 Naphtali — 53,400 Mai teitei: — 603,550

⁴⁷Levi maitao hai khü kukhe maitaoye koa maipei phouyu hisü loumoe,

⁴⁸daiolouzü MAPAO nou Moses hi haibüa paoe,

⁴⁹“Nenou soureih soulou süyu Israel mai kazhou bue tea maipei phouyu phaki, Levi maitaoye phouthouso.

⁵⁰Anou Levi maitaoye panou Enou buyu Sahpao ae sühi buyu natao panou zhure donou alia sühi panou vah soure donou vahbu thoupeio, ae neletaoye panou Sahpao pehao hinou puletao vei fühao sü soua bulo.

⁵¹Israel mainou fühao datayu phaki, Levi maitao nou rathoyu Sahpao nasü hralai, ae puletao nou tave füshee shoyu phaki, Levi maitao nou Sahpao nasü soulai. Mai kukhe taralia Sahpao hisü takou ngheilouzü puhye sü southa-a bailai.

⁵²Israel maitao nou puletao vei Sahpao hai lahkuku vei meme nou haoloua sükhe hinou bulai.

⁵³Ana Levi maitao nou Sahpao vei pehao hinou bulai, sübüa puletao nou mai kukhe maitaoye panou Sahpao ngheiki talou avei lekha soupa peia Enou Israel maiye soushi more donou Levi maitao nou Sahpao nasü kholai.”

⁵⁴MAPAO nou Moses hi kharochi peiyu veishi hai Israel mainou soukhai toupeie.