Read Poumei Naga MAIPEI PHOUYU 2 Bible Online

MAIPEI PHOUYU 2 - Poumei Naga bible

MAIPEI PHOUYU 2

¹MAPAO nou Moses ae Aaron hi haibüa soulo tea paodou peie.

²Israel maitao nou linaonao vei khü thaifüa sahra hrakhai touyu khehinou puletao vei fühao hai soua bua bailai, ae neletao nou rathoyu Sahpao pehao hinou fühao soua bulai.

³Teinghei palova nou fühao soua bure hai Judah maitao noulai, ae puletaoye süthai-apei mai haitao noulai: [Maitya] — [Süthai-apeio] — [Maipei] Judah: — Amminadab nahpoutu Nahshon — 74,600 Issakar: — Zuar nahpoutu Nethanel — 54,400 Zebulun: — Helon nahpoutu Eliab — 57,400 Mai veishi: — 186,400 Judah vei maime nanou rairailai soua talou füsholai.

¹⁰Khelova nou fühao soua bure maime nou Reuben maityatao noulai. Puletaoye süthai-apei hai mai haitao noulai: [Maitya] — [Süthai-apeio] — [Maipei] Reuben — Shedeur nahpoutu Elizur — 46,500 Simeon — Zurishaddai nahpoutu Shelumiel — 59,300 Gad — Deuel nahpoutu Eliasaph — 45,650 Mai teitei: — 151,450 Reuben vei maime nanou ahai chena soua talou füsholai.

¹⁷Raina vei maime ahai ae nayu maime ahai kohinou Levi maitao nou Sahpao nasü kaopoa talai. Dade khaipeiyu maime teitei nou linaonao vei sahra khenou shosho nou taloulai.

¹⁸Teinghei loulova talou füsho-a bure maime nahai Ephraim vei maime nanoulai. Puletao vei süthai apei mai sü haitaoe: [Maitya] — [Süthai-apeio] — [Maipei] Ephraim — Ammihud nahpoutu Elishama — 40,500 Manasseh — Pedahzur nahpoutu Gamaliel — 32,200 Benjamin — Gideoni nahpoutu Abidan — 35,400 Mai hrülai: — 108,100 Ephraim maivei maime nanou asü chena soua taloulai.

²⁵Reilova nou fühao soua bure maitao hai Dan maivei maimetao noulai. Puletaoye süthai apei mai sü haitaoe: [Maitya] — [Süthai-apeio] — [Maipei] Dan — Ammishaddai nahpoutu Ahiezer — 62,700 Asher — Okhran nahpoutu Pagiel — 41,500 Naphtali — Enan nahpoutu Ahira — 53,400 Mai teitei: — 157,600 Dan maivei Maime taonou Nakha-a Taloulai.

³²Israel mai meme sou-a zhih rüthou louyu mai hrülai hai 603,550 bue.

³³MAPAO nou Moses hi kharochi peikhai touyu thaifüa Israel maivei maipei phouyu hisü Levi maiye chomoe.

³⁴MAPAO nou Moses hi kharochi peikhai touyu teitei hai Israel mainou soupeie. Israel maitao nou lahkuku vei meme soua sahra hrakhai touyu khehinou ae khü-khü nou talou fühao soua buloue.