Read Poumei Naga MAIPEI PHOUYU 26 Bible Online

MAIPEI PHOUYU 26 - Poumei Naga bible

MAIPEI PHOUYU 26

¹Rahta veyu thaisü MAPAO nou Moses ae Aaron nahpoutu Eleazar hi paoe,

²“Israel mai hrülai, soureih souyu hi talou süyu po kai pei payu mai hrülai sü puletao vei kihikha noupu zhih rülo.”

³Moses ae Eleazar nou paoyu thaifüa po sütao hi buyu mai hrülai sü kuve jüloure. Puletao nou Jeriko nghoujülo Jordan reipe hi buyu Moab maivei deikho hinou ve jüloure. Mai haitao hai Ejipt teidei hinou tapa louyu maitao-e:

⁴

⁵Jakob nahpoutu naraio Reuben vei maityatao hinou mai haitao-e: Hanok vei khü, Pallu,

⁶Hezron, ae Karmi.

⁷Khü haitao hinou mai 43,730 bue.

⁸Pallu vei tyaosholea hinou Eliab,

⁹ae puhvei nahpoutu Nemuel, Dathan, ae Abiram. (Maisou nou dolouyu hai Dathan ae Abiram-e. Puhai nou Moses ae Aaron ye ngaophou moa MAPAO pei hi rao-a khaityayu Korah vei thaifümai hi louzhore.

¹⁰Dei nou mü kopaloua puhaiye zhaoloure, ae puhaiye sü Korah vei thaifümai 250 mei nou deithayu hi koa loua nou deithare, puletao hai maikhe maiye donou paopi peiyu mai soure.

¹¹Ana Korah vei nahpoutu maitao hai thai moe.)

¹²Simeon vei maityatao: Nemuel, Jamin, Jachin,

¹³Zerah, ae Shaul hai maitao-e.

¹⁴Khü haina hi mai 22,200 bue.

¹⁵Gad vei maityatao: Zephon, Haggi, Shuni,

¹⁶Ozni, Eri,

¹⁷Arod, ae Areli puona maitao-e.

¹⁸Haitao hi mai 40,500 bue.

¹⁹Judah vei maityatao: Shelah, Perez, Zerah, Hezron, ae Hamul puona maitao-e. (Judah vei nahpoutu ahai, Er ae Onan, hai Kanaan maivei teidei hinou thaire.)

²⁰

²¹

²²Maitya haitao hinou mai 76,500 bue.

²³Issakar vei khü hinou Tola, Puah,

²⁴Jashub, ae Shimron puona maitao-e.

²⁵Maitya haitao hinou mai 64,300 bue.

²⁶Zebulun maitao: Sered, Elon, ae Jahleel puona maitao-e.

²⁷Khü haina hinou mai 60,500 bue.

²⁸Josef hai nahpoutu ahai bue, Manasseh ae Ephraim.

²⁹Manasseh maitao. Manasseh nahpoutu Machir, ae puh nahpoutu Gilead, ae puletao vei poupaoh maitao hai haibüa puletao vei tyarai sü phoutawe:

³⁰Iezer, Helek,

³¹Asriel, Shechem,

³²Shemida, ae Hepher.

³³Hepher nahpoutu Zelophehad hai nahpoutu mai ha-e, ana nah naotumai bue; puletao vei zhih sü Mahlah, Noha, Hoglah, Milkah, ae Tirzah toue.

³⁴Maitya haitao hi mai 52,700 bue.

³⁵Ephraim maitao: Shuthelah, Beker, ae Tahan.

³⁶Eran maitao vei tyaosholea hai Shuthelah hinou phoutawe.

³⁷Mai haitao hi 32,500 bue. Mai haitao hai Josef vei tyaosholea hinou hrüve-e.

³⁸Benjamin vei maitao: Bela, Ashbel, Ahiram,

³⁹Shephupham, ae Hupham.

⁴⁰Ard ae Naaman vei khü hai Bela hinou ve-e.

⁴¹Maitya haitao hi mai 45,600 bue.

⁴²Dan maityatao: Shuham puona maitao hai

⁴³mai 64,400 bue.

⁴⁴Asher maitao: Imnah, Ishvi, ae Beriah hai maitao-e.

⁴⁵Heber ae Malkhiel puona maitao hai Beriah vanou hrüve-e.

⁴⁶Asher nahnaotu ali bue, puh zhih nou Serah toue.

⁴⁷Maitya haitao hi mai 53,400 bue.

⁴⁸Naphtali vei maityatao: Jahzeel, Guni,

⁴⁹Jezer, ae Shillem.

⁵⁰Maitya haitao hi mai 45,400 bue.

⁵¹Israel mai hrülai hai mai 601,730 bue.

⁵²MAPAO nou Moses hi paoe,

⁵³“Khü khü thaifüa ae mai pouyu ae chiyu thaifüa füdei hai zha dade zhilo.

⁵⁴Füdei hai rako nou zhuloua zhilo, ae mai pouyu khü hi füdei hai pou-a nou peio, ae mai chiyu khü hi füdei hai chi-a nou peio.”

⁵⁵

⁵⁶

⁵⁷Levi maivei khü hai Gershon, Kohath, ae Merari puona maitao loua nou souwe.

⁵⁸Puletao vei pfümounah hai Libni, Hebron, Mahli, Mushi, ae Korah haitao-e. Kohath hai Amram vei puo-e,

⁵⁹puhnou Levi nah naotupai, Ejipt hinou nayu Jochebed ye naloue. Honapai nou Amram ye nahpoutu ahai napeie: Aaron ae Moses, alia nahnaotu ali Miriam tea napeie.

⁶⁰Aaron hai nahpoutu adai bue, Nadab, Abihu, Eleazar, ae Ithamar.

⁶¹Nadab ae Abihu hai MAPAO ye sheemoyu mei nou poa sheelayu donou thaire.

⁶²Levi maiva hinou poutumai khouh ali payu ae khouh ali jünou layu hai mai 23,000 bue. Puletaoye Israel mai kukhe jünou kua zhih rükhai peie, daiolouzü puletaoye Israel mai hrohinou nakotao hai zha zhipei moe.

⁶³Mai haitao hrülai hai Moses ae Eleazar nou Israel mai zhih rüyu phaki Jeriko hinou Jordan rei alilova buyu Moab maivei deikho hinou rüloue.

⁶⁴Moses ae Aaron nou Sinai Radeiki hinou maipei phourai na hinou rükhai touyu hi mai ali zhih koute-a hai hisü loumoe.

⁶⁵MAPAO nou puletao mai hrülai hai rekounou thaitakhai-a bailai tea paopei khaitoue, ae Kaleb, Jephunneh nahpoutu alia Nun nahpoutu Joshua likhei loua baie.