Read Poumei Naga MAIPEI PHOUYU 36 Bible Online

MAIPEI PHOUYU 36 - Poumei Naga bible

MAIPEI PHOUYU 36

¹Josef nahpoutu Manasseh nahpoutu Makhir nahpoutu Gilead vei pfümounah hi tsümaitao nou Moses hi ae Israel maiye süthai-apei maitao hi veloua

²nou haibüa paoe, “MAPAO nou teidei hai Israel maitao hi rako pozhuloua dadezhi peio tea kharochi peie, ae Puhnou ne hia Zelophedad vei teidei hai puhvei nah naotu maitao hi peio tea kharochi hai peie.

³Ana puletao nou khü kukhe mai hi veta louzü, puletao vei füdei khesü khü süna vei soutawulai, ae Etao hi peikhai touyu füdei sü hatawulai.

⁴Podakhai louyu vei Po veyu phaki füdei zhotou zhoso khaitouyu khesü paopu hi dakhai peiyu phaki, Zelophehad nah naotumaitao vei füdeitao hai dakhai peilai moe, sütao hai puletao nou vetayu khü navei teisa nou soua bailai.”

⁵Südonou Moses nou Israel maitao hi MAPAO vei kharochi haitao sü peie. Puhnou paoe, “Manasseh khü nou paoyu sü kao-e,

⁶ae MAPAO nou Zelophehad nah naotu maitao donou haibüa paowe, süolouzü puletao nou venüyu mai tarali ki hia ve-a bailai, ana lah puletao vei khü hi ve-a bailai.

⁷Israel maivei füdeitao hai lahkuku vei khü hi panou bukoute-a bailai.

⁸naotumai taralia puopaoh maivei kikaa thaoyu mai hai lah puhvei khü hi nghive-a bailai, sübüa lahkuku khü vei füdei hai bua bailai,

⁹puopaoh maivei füdeitao sü panou mai kukhe vei khü hi talai moe. Khükhü hi peikhai touyu füdei hai lahkuku vei khü hi panou bua bailai.”

¹⁰Südonou Zelophehad nahnaotu maitao: Mahlah, Tirzah, Hoglah, Milkah, ae Noha puletao nou MAPAO nou Moses hi kharochi peiyu büa lah puletao vei khü hi nghive-a baie.

¹²Puletao hai lah Manasseh vei khü hi ve-a baie, ae puletao vei füdei hai lah puletao vei khü hi bua baie.

¹³Jeriko pah hi buyu Jordan rei alilo vatha buyu Moab maivei deikho hinou MAPAO nou Moses hi zhai haitao hai panou Israel maiye tare donou puletao hi peie.