Read Poumei Naga MAIPEI PHOUYU 7 Bible Online

MAIPEI PHOUYU 7 - Poumei Naga bible

MAIPEI PHOUYU 7

¹Moses nou rathoyu Sahpao hai soucheloua posheela peiyu thai, puhnou Sahpao nasü theadzü napeie ae sühi buyu na veishi, posheelabu ae paikhao khesü theadzü napeia Ramai bah hi sousheeloua peithoure.

²Süthaisü khü-khü hinou peicho maitao, Israel maiye süthai-apei maitao, maipei phouyu hi süthaisa-a soupeiyu maitao nou

³MAPAO hi posheela haitao hai pove peie: choluki arou ae chode kiahai, süthai-apei mai ahai nou choluki ali ae mai alili nou chode chekhei hai pove peie. Puletao nou sütao hai pove sheela peiyu thai,

⁴MAPAO nou Moses hi paoe,

⁵“Puletao nou pove peiyu na khesü poa Sahpao hi vah soure donou polo ae Levi maitao hi peiwua panou mai alili nou vah soure thaifüa soulo.”

⁶Südonou Moses nou choluki ae chode khesü Levi maitao hi peiwure.

⁷Puhnou choluki ahai ae chode adai hai Gershon maitao hi peiwure,

⁸ae choluki adai alia chode acha hai Merari maitao hi peiwure. Puletao nou soure vah veishi hai Aaron nahpoutu Ithamar vei khakhe hinou soupfülai.

⁹Ana Moses nou Kohath maitao hi choluki ae chode aliro peimore, daiolouzü puletao nou sheeyu na hai phao hinou pfüta-a bailai.

¹⁰Süthai-apei maitao nou posheelabu nasü sousheeloua peithouyu vei khonüh nüre donou posheela khesü pove peie. Puletao nou posheela nakhesü peilai tea posheelabu hi pokou peiyu phaki,

¹¹MAPAO nou Moses hi haibüa paoe, “Puletao hi paopeio, süolouzü posheelabu hai sousheeloua Ramai bah hi peithouyu vei posheela hai teithe ali hi süthai-apei mai alili nou posheela peia bailai.”

¹²Puletao nou posheela khesü haizhai büa soulai: [Teithe] — [Khü] — [Süthai-apeio] Ali zhou — Judah — Amminadab nahpoutu Nahshon Ahai — Issakar — Zuar nahpoutu Nethanel Asü — Zebulun — Helon nahpoutu Eliab Adai — Reuben — Shedeur nahpoutu Elizur Angou — Simeon — Zurishadda nahpoutu Shelumiel Arou — Gad — Deuel nahpoutu Eliasaph Anai — Ephraim — Ammihud nahpoutu Elishama Acha — Manasseh — Pedahzur nahpoutu Gamaliel Akü — Benjamin — Gideoni nahpoutu Abidan Kirou — Dan — Ammishaddai nahpoutu Ahiezer Kiali — Asher — Okhran nahpoutu Pagiel Kiahai zhou — Naphtali — Enan nahpoutu Ahira Puletao mai alili nou pove sheela peiyu hai rainono khai-a baie; Sühcho 1.5 nou soukhai touyu shahu khaosao ali ae gram 800 nou soukhai touyu shahu raikhao ali, sühai hisü thoudzü vei posheela peire donou sou hai theadzü thouhrüloua phoutao-a pove peie; sana khao ali gram 110 loua souyu nasü poukai nüvei nou phoutao-e; mah vei posheela(...)

⁸⁴Posheelabu nasü sousheeloua Ramai bah hi peithoure donou süthai-apei maitao nou pove sheela peiyu teitei sü haitao-e: - Shahu nou souyu khaosao kiahai ae shahu nou souyu raikhao kiahai, sütao vei sühcho hai 27.6 bue - Sana nou souyu khao kiahai, süsü sühyu hai sühcho 1.32 bue, ae khao sütao hi poukai nüvei nou phoutao-a nou peie. - Chode kiahai, zhaotsü kiahai, po ali payu zhaotu kiahai, thoudzü vei posheela ae meidei-a posheela peiyu noupu peie - mah vei posheela peire donou nghitu kiahai; - chavei lathao-a buloure vei posheela peire donou chode kiahai, zhaotsü rairou, nghitu rairou, po ali payu zhaotsü rairou hai pove peie.

⁸⁹Moses nou MAPAO ye chalai tea Sahpao hi talouyu phaki MAPAO nou puhye Vo Sübvü pei hinou shouh ahai pfüyu khaona kohinou keayu sü puhnou chou-e.