Read Poumei Naga NAHUM 2 Bible Online

NAHUM 2 - Poumei Naga bible

NAHUM 2

¹Neye reih soure maisü laire. Kaoro khesü kholouo; ludu sü zhulouo; ne khyakho sü kholouo; nevei khouko teitei nou palouo.

²(Ngaoba mainou puletaoye soushiyu ae darkhabo khesü souha laipei-a buyuma, chuo Israel maivei khouko büa Jakob vei khouko sü MAPAO nou peida khailai.)

³Puhvei reih veihmai rü sü howe, puhvei reihmai sabanü khesü homarae, Puhtaoye souda chepeiyu teithe zhousü rheiluki vei hu khe-a peivavae; reih hupoa takouyu puhtao hai zhaipou shiyu zhailoue.

⁴Rheiluki khesü khachomo nou ludutao hinou tua laie, puletao nou kijüdu teitei hi tukou tukhewe, puletao zhusü lou meikei büa nou ngaowe, puletao nou teipeiyu büa tuwe.

⁵Peikho maitao sü puhnou kujüloue; puletao nou tapoa kouyu phaki phi sülouwe; puletao nou bouvo hilo thashoa takoue, alia sühisü puletao nou rünou lailoue.

⁶Rei hilaova robomü khesü houre; ae vebuh sü ngaopi shore;

⁷Veo pfüpai sü nüpoa tare, puh kilai naotu khemai nou khao büa kouli li-e, khao khoua bue.

⁸Pepo tayu dzükhai ali hinou dzü kütayu büa maikhe maisü Nineveh hinou tutare. Puletao nou “Chaolaio! Chaolaio!” teanou krawe, ana mai linoua thailova dakhaive zhumoe.

⁹Shahu sü saolouo, Sana sü saolouo, Sühisü muteiyu nya akhai hae! muteiyu kinangi sü alao bue.

¹⁰Souveawure! Souhare alia soushire! Lesü pere alia khoubou sü ngure, khya soure, pah khesü zhu hazhi tare.

¹¹Kipeikhaodu buh büa buyu nasü daiki vetare, hali noua ve daido louhoyu kipeikhaodu nou tyoutu khaiyu buh sü daiki vetare?

¹²Kipeikhaodu nou puh tyouye donou tude tuhü peiwe, alia puh paye donou soukhaona kitha peiwe; puh buh hisü soukhaona nou kitha pove phou khailoue, alia puh phe hisü sounou pove khai phoulouwe.

¹³Ha hrülai peinou buyu MAPAO nou paoe, “Enou ne hi aeti moyu bue, alia ne rheiluki khesü meideiwulai, alia nevei kipeikhaodu tyoutu khesü khoche nou souha peilai; nenou toulai tea pove khaiyu khesü Enou souhalai, alia nevei kopaomai paikhosü panou choupu laimoe.”