Read Poumei Naga PAODAKHAIYU CHIKHA 18 Bible Online

PAODAKHAIYU CHIKHA 18 - Poumei Naga bible

PAODAKHAIYU CHIKHA 18

¹“Naanou soupeiyu Levi maitao hai Israel mai koa teidei zha moa kaalo ngaolai moe. MAPAO hi mei deia posheelayu hai nanou puletao tou-a hrülai, daiolouzü sühai puletao vei kaaloe.

²Puletao hai puletao thaihou jürai maitao hrohinou kaalo hae, MAPAO nou puletao hi paopeiyu büa Puhnou puletao vei kikaa nasü baie.

³“Maikhe mainou chode alia zhaotu posheelayu hinou napao mainou ngaolouzü taosü haitaoe: Phaosou, khou alia lesou taoe.

⁴Chachilou raikaiyu neletao vei thou, darkhadzü, theadzü, alia zhaotumai sailou raikayu mai haitao hai neletao nou puletao hi peilai.

⁵Daiolouzü neletao Ramai MAPAO nou puletao alia puletao nahmai taosü neletao hrohinou pa la-a MAPAO zhih hinou teisa pa naanou vah soure donou dopaloure.

⁶“Levi mai taralinoua puhnou hrübuyu Israel mai nuhdu tali hinou talouzü alia MAPAO nou dapalouyu buhfühi jüpa-a velouzü,

⁷sühi MAPAO nghoujü hinou vah soua buyu Levi mai kukhetao büa puh hia puh Ramai MAPAO zhih hinou vah soua bailai.

⁸Puh hai puh vei füdei zholouyu hinou sana ngaolouyuma, napao kukhe maitao nou ngaotouyu zhoubütoua puh-a ngaolai.

⁹“Neletao Raimai MAPAO nou neletaoye peiyu teidei hi talouyu phaki, sühi buyu tyahrü kukhemai vei ngaorayu zhaido douso.

¹⁰Neletao hrohinou nahpoutu moa nahnaotu maiye dathalou-a meinou dei-a rah pothoyu mai, moa pousouyu, moa keingumai, moa vepare süre donou shee phoulai mai moa rahsamai,

¹¹moa vaovah moa naotuvah pomai moa rashi chakumai, moa thaimaiye chakuyu mai panou ali-a bulai moe.

¹²Haibüyu vah soupfüyu mai hai MAPAO nou ngaorae, alia haibüa ngaorayu vah souyu vanou tyahrü sütao hai neletao nghoujü hinou neletao Ramai MAPAO nou hulaire.

¹³Neletao Ramai MAPAO nghoujü nou neletao hai chilee cheche-a sheesha tea nou hrülo.”

¹⁴“Süthaisü Moses nou paoe, ‘Neletao nou talou hulai laiyu tyahrü khemai hai keingumai alia poushoyu mai chi keiwe, ana neletao louzü haibüa souyu hai neletao Ramai MAPAO nou aetimoe.

¹⁵Neletaoye donou Ramai MAPAO nou E bübüyu rachi paolai mai ali neletao thaihou jürai maitao hrohinou seive peilai. Neletao puh chi sü zülo.’

¹⁶“Daiolouzü neletao nou Sinai Deichi hinou ve jüyuki, neletao nou neletao Ramai MAPAO hi khoyu nasü hainare, haibüa neletao nou pao-a khoe, ‘Etaoye panou Ramai MAPAO pai choupu khaiso moa khupa shoyu mei pa ngaopu khaiso, more toulouzü Etao hai thai-a bailai.’

¹⁷MAPAO nou ahi paoe, ‘Puletao nou paoyu sü veire.

¹⁸Puletaoye donou ne büyu rachi paolayu mai ali Enou puh chinamai hrohinou seive palai; Enou achipao sü puh mü hi thoupeilai, alia Enou paopeiyu achipao veishi puhnou paopeilai.

¹⁹Rachipaola mai nou azhih hinou paoyu chipao hai maitali nou zümore toulouzü, Enou puhye sü zhulai.

²⁰Rachipaolayu mai alinou Enou paomoyu chinou azhih hinou poa paolouzü moa rachipaola mai alinou rah kukhe zhih hinou paolouzü puhye sü southawo.’

²¹“Neletao lah nou haibüa cholou veie, ‘Chipao hai MAPAO nou paopeiyu chipao moe touyu kabüa Etao nou sülou khailai?’

²²Rachipaolayu mai nanou MAPAO zhih hinou paopa buyu hai chekhao nou vepamore toulouzü, moa haihai MAPAO hinou veyu chipao moa rachipaolapu nou puh pha sounou pao baire toulouzü, puhye ngaopiso.