Read Poumei Naga 1 KORINTHMAI 13 Bible Online

1 KORINTHMAI 13 - Poumei Naga bible

1 KORINTHMAI 13

¹Enou emai ea rakivamai la taonou paokhaia, leshi halouzü, Esü hu dayu kho moa hu baiyu kho bübaie.

²Alia Ahi rachi paopayu vei sapeina bukhaia alia kheitsü ea tsü teitei sükhaia, alia Ahi deichitao podalou süyu lü teitei bukhaia, leshi halouzü, Esü halia moe.

³Enou Avei buyu na veishi toure hamai hi peikhaia, alia Apfüphao hai mei deire donou thoupeiwu khaia, leshi halouzü, Esü halia zhimoe.

⁴Leshi nou shamea peie ea zhuvea peie; leshinou maiye ngaorai moe, zho soumoe moa khaophu soumoe;

⁵leshi nou zhaishi soumoe, dutounü moe, rarou hahamoe moa ashi chomoe;

⁶leshi nou ashiye koa sazho moe, ana chechenaye koa sazhowe.

⁷Leshi nou ha teitei pfüpeie, ha teitei louche peie, ha teitei reipeie ea ha teitei shamea peie.

⁸Leshi hai akhai hae; rachi paopayuwo hata bailai; süthoyu latao-a sobailai; tsü-a hata bailai.

⁹Daiolouzü Eletao vei tsü sü liche moe ea Eletao vei rachi paopayu sü liche moe;

¹⁰Ana licheyu süna veyu kisü, liche moyu sünasü hata bailai.

¹¹Enou taibu kisü, Enou nahmai ali büa chi paoe, nahmai ali büa süe, alia nahmai ali büa tsü choe; chuo Enou tsüpayu kisü, Enou nahmai vei zhai nasü thaowure.

¹²Chu Eletao nou ngaoa buyu sünawo louzü zhuzhu hinou ngaorarayu khu bübaie; ana sükisü zhu haonou ngaolai. Chu Enou süa buyu sünawo louzü kaitouli hinou baie, sükisü Ramai nou chu Eye sükhaia buyu sübüa E-a sükhailai.

¹³Südonou chuo lü, areih ea leshi haitao asü hai bue; ana haitao hronou dukayu nawo louzü leshina baie.