Read Poumei Naga KOLOSSEMAI 3 Bible Online

KOLOSSEMAI 3 - Poumei Naga bible

KOLOSSEMAI 3

¹Neletao hai Khristaye koa hrishu loure touyu thaisü, Khrista nou Ramai bahkha zhoulo vanou buyu buh, reikouvei nataosü phoulo.

²Neletao vei tsühai deiphao vei nataohi moa reikou vei natao hi khailo.

³Daiolouzü neletaowo thaire, alia neletao hrümaisü Khristaye koa Ramai hinou pokure.

⁴Eletao vei ahri Khrista puh veyu kisü, neletao-a puhye koa veloua puh khouko avasü zha ngaozholai!

⁵Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie).

⁶Mah haitao vanou paoyu chi zübayu nahmaitao pei hi Ramai cha vewe.

⁷Teile lihi mah haitaonou neletao hrümaiye tukha sahrüyu kisü, lah neletaosü haibüyu züpatao thaifüa hrüe.

⁸Ana chuo neletao nou haitao teiteisü thao vuzüwulai: lekhayu, rarouyu, maiye ngaorayu, alia maichi paoshiyu, hraopachi paoyu haitao hai neletao tai hinou panou hakia paopa laimoe.

⁹Neletao alinou lihi dawuso, daiolouzü neletao nou zhai akunasü sünavei vahtao-a pu koa laikhaire,

¹⁰alia zhai ashu nasü thouloure, zhai haina hai hainaye sou-apeio Ramai nou puh zhu rai-a tsü hinou sousheepupei khaitouyu zhai nasüe.

¹¹Zhai ashu haina hisü, tahrüh kukhemai ea Jihudimai touyu, hee rodeyumai ea rodemoyu mai touyu, hasü moyu-dupamoyu tahrümai touyu, qila, do soumai touyu ali-a hae, ana Khrista nou ha teitei baie ea puhwo ha teiteihi bubaie.

¹²Neletaowo Ramai vei maikhe maitaoe: puhnou neletaoye leshie ea neletaoye lah puhvei donou doloure. Südonou neletao hai khuleshinou, zhuvea nou, nataiyu nou, nashayu nou, alia shameayu nou, neletao lah bahnou vuzülai.

¹³Alinou liye koa shamea peikhaio ea hatakinou neletao hronou alinou kukhe ali pei hi motouyu bulouzü alinou liye khaipeio. Mapaowo nou neletaoye khaipeiyu büa neletao-a alinou liye khaipei vuzülai.

¹⁴Alia zhai haitao teitei pei hinou, ha teiteiye liche-a lerozhoyu hinou phumuzho peiyu leshi nasü bahnoulo.

¹⁵Alia Khrista vei kaonayu sünanou neletao lesü panou tukha sahrüloukhaio; daiolouzü kaonayu hainahi Ramai nou neletaoye pfüphao alihi kuve dzüpei khaitoue. Alia kalo pao-a bulo.

¹⁶Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

¹⁷Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.

¹⁸Chapfümaitao, neletao chaamaitao khakhe hinou hrülo, daiolouzü haisü Mapaowo hinou souzüe.

¹⁹Chaamaitao, neletao chapfümaitaoye leshilo ea puletao hisü poushiwuso.

²⁰Nahmaitao, ha teitei hinou neletao pfüpuo chi zülo, daiolouzü haisü Mapaowoye rukha soupeiwe.

²¹Puokhemai, neletao nahmaitaoye sou rarouwuso, molouzü puletaosü le khaita shulai.

²²Qilatao, ha teitei hinou neletao deiphao hi paopumaitao chi sü zülo, süolouzü maiye le sousa loure puletao vei nghingao hinou likhei baimoa Mapaoye khuhaoyu hilonou le sheetoua kuvah soukhaio.

²³Alia neletao nou soupfüyu tasü, emai hi moa Mapaowo hi soupei baiwe tea neletao le teitei nou soupfükhaio.

²⁴Mapaowo nou lah puhvei maitaohi peilai tea khaidakhai touyu kaalo nasü buu büa neletao hi peilai touyu sü neletao nou licholo. Daiolouzü Khrista hai neletao nou kuvah soua buyu checheyu Mapao nasüe.

²⁵Ana kaozümoa souyumai tali hisü puhnou kaozümoa souyu süna thaifüa pao rüpeilai, daiolouzü Ramai nou mai hrülaiye hrüzhai ali hinou chikuwe.