Read Poumei Naga 1 THESSALONIMAI 1 Bible Online

1 THESSALONIMAI 1 - Poumei Naga bible

1 THESSALONIMAI 1

¹Paul, Sailas ea Timothi hinou Puo Ramai ea Mapao Jisu Khrista hi buyu Thessalonika lüloumaimehi rüwe: Zhuvea ea kaonayu sü neletao hi buyu souloutheo.

²Ehnou veachi paoyutsü hisü neletao zhih kuthoua teisanou neletao hrülai donou Ramai hi kalo pao-a bue.

³Ehnou tobai soumoa Eletao Puo ea Ramai puh nghojünou kabüa neletao nou neletao vei lü nasü pothoua vah sousa, kabüa neletao vei leshi nanou neletaoye panou chihshoa vah sousa, alia kabüa neletao nou Eh Mapaowo Jisu Khrista hisü rei-a khoushoa busa touyu vanou li-choa bue.

⁴Eh thaihou jürai maitao, Ramai nou neletaoye leshiwe ea lah puhvei soure donou neletaoye doloure touyu sü Ehnou süwe.

⁵Daiolouzü Ehnou chipao avei nasü chipaonou likheithe paobaimoa khouko ea Rako Mashi noupu süsü cheche vuzüe touyu sü sütoupoa nelehi povepeie. Ehnou neletaoye koa hrübuki Eh hai kabüa hrüsa touyu sü neletao nou süwe; alia süsü lah neletao veiloure donou baie.

⁶Alia neletao hai Eh ea Mapao vei zhaido douyumaitao souloure, daiolouzü vea-hoyu alaosou daokhaia, neletao nou chipao süsü Rako Mashinou süpeia sasa-a poloure.

⁷Südonou neletao hai Makedonia ea Akhaia hi buyu lüloumaitao hrülai donou doulou veiyu zhai alie.

⁸Daiolouzü Makedonia ea Akhaia teidei teiteihi Mapao vei chipaosü neletao hinou paodoupoa tayu likhei baimoa Ramai hi neletao nou lüyu vanou buh likihi kupoa tare. Südonou Ehnou halia paore matsü hare.

⁹Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa,

¹⁰puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.