Read Poumei Naga JOSHUA 12 Bible Online

JOSHUA 12 - Poumei Naga bible

JOSHUA 12

¹Israel mainou reih veiloua polouyu vemai tao alia puletao teidei sü haitaoe: Jordan vei teinghi palo vanou buyu Arnon deikho hinou poa kou Hermon deichi hi koute, süsü Arabah vei teinghi palo vanou buyu teiteie.

²Hesbon hinou hrüa buyu Amor veo Sihon teideia reih soua nou poloue. Puhnou Arnon deikho du Aroer touyu hinou, deikho touchü hi kou Gilead teidei dahli koute, sühai Ammon mai deiraih Jabbak rei hi koute puhnou khasa-a hrüe.

³Puhnou khasa-a buyu teidei taosü Arabah hinou poa teinghi palo Chinneroth zai hi koute-e, alia Beth-jeshimoth hinou Thai Zai hi koue, süolouzü khelo kouh Pisgah deichi phihi kouhte-e.

⁴Puletao nou Rephaim mai teidei hinou akhai nasoua Bashan veo Og hi reih veiloue; puhnou Ashtaroth alia Edrei hinou mave soua bue.

⁵Puhvei vedei hai Hermon deichi, Salekah, alia Bashan teidei hinou kou Geshur alia Maakah maivei deirai hi koute-e, alia Gilead teidei dahli nou poa kouh Heshbon mai veo Sihon vei deirai hi kouhwe.

⁶Vemai haitao vei teidei hai Moses alia Israel mainou reih soua poloue. MAPAO kilai Moses nou teidei haitao hai Reuben mai, Gad mai, alia Manasseh maikhü dahli hi puletao vei zha soua peiwure.

⁷Joshua alia Israel mai nou veilouyu vemaitao alia puletao vei teidei taohai Jordan teinghi loulo vanou buyu taoe, süsü Lebanon deikho Baalgad hinou poa Seir hilo tapayu Halak deichi hi koute-e, (Joshua nou teidei sütao hai Israel mai khüye pa kaa thaoloure donou zhipeiwure).

⁸Teidei sütao hai daidaie toulouzü: deichi hinou buyu nuhtao, teinghi loulo va deichi phihinou buyu tao, Arabah, deichi phi hinou buyu nuhtao, vaohrotao, alia Negeb hi buyu Hit mai, Amor mai, alia Kanaan mai, Perizz mai, Hiv mai, ae Jebus maivei teideitaoe.

⁹Israel mainou vemaitao hi reih veilouyu hai: Jeriko veo, ali; Ai veo (sühai Bethel hia bue);

¹⁰Jerusalem veo, Hebron veo;

¹¹Jarmuth veo, Lakhish veo;

¹²Eglan veo, Gezer veo;

¹³Debir veo, Geder veo;

¹⁴Hormah veo, Arad veo;

¹⁵Libnah veo, Adullam veo;

¹⁶Makkedah veo, Bethel veo;

¹⁷Tappuah veo, Hepher veo;

¹⁸Aphek veo, Lasharon veo;

¹⁹Madon veo, Hazor veo;

²⁰Shimron-meron veo, Achshaph veo;

²¹Taanak veo, Megiddo veo;

²²Kedesh veo, Karmel hi Jokne-am veo;

²³Naphathdor vei Dor veo, Galilee hi buyu Goi-im veo; alia

²⁴Tirzah veo, sütao teitei hai vemai shiali-e.