Read Poumei Naga JOSHUA 15 Bible Online

JOSHUA 15 - Poumei Naga bible

JOSHUA 15

¹Judah khüye pfümounah thaifüa peikhai touyu teidei hai khelou kouh Edom deirai hinou Zin maivei vaohro akhai hi kouhte-e.

²Puletao vei khekouh deirai hai Thai Zai hinou poa

³Akrabbim lahpoko Zin hilo nou buyu Kadeshbarnea khekouh koute-e. Süthaisü Hezron hinou lahpoa Addar kheloua Karka hi koute-e,

⁴Sühinou poa kou Azmon alia Ejipt maivei deirai hinou dzüküa buyu rei nou pokou Mediterranean Zai hi koute. Haitao hai Judah maivei khelo deirai tao-e.

⁵Teinghi palova deirai hai Thai Zai hinou poa Jordan reimü külouyu hie. Alia reikou vei deirai sü Mediterranean Zai pe hinou Jordan reidzü külouyu hi koute,

⁶alia deirai sühinou Bethhoglah hi khete-e; alia sühinou reipoa khe Betharabah hi khete-e, sühinou Reuben nahpoutu Bohan vei chuh hi khete-e.

⁷Sühi buyu Achor vei deikho hinou Debir hi khe-e, alia sühinou reilo dakhaikhe Addumin ludu dapolo buyu Gilgal hi khe-e; süthai Enshemesh dzühou hinou posakou Enragel khaihie khoute-e.

⁸Süthai hai khelounou buyu Hinnom deikho hinou Jebus mai nuh (süolouzü Jerusalem) hi khete-e; süthai puletao vei deirai hai Baalah (süolai Kiriathjearim touwe) hilo hripoa koure.

⁹Süthaisü deichi tao hinou poa Nephtoah dzülaa hi loue, alia sühinou poa Ephron deichi hi buyu nuhtao hi koue; sühinou Baalah (süolai Kiriathjearim) hilo hripoa kouhwe.

¹⁰Alia Baalah teinghi loulova nou deirai hai sühaokouh Seir deichi hilo kou Jearim deichi (süolouzü Khesalon) reilouva dakhaikou Bethshemesh kheloh kouhtae, sühinou Timnah hi kouwe.

¹¹Puhmaivei deirai hai Ekron hinou reiloukhe-e, süthai deichi süna hinou dakhai palou-a Shikkeron hi kouhloua Baalah deichi dakhai kou Jabneel hilo tare. Sükua nou Zai hinou kou akhai soue.

¹²Teinghi loulova deirai hai, Mediterranean Zai pehinou akhai souwe. Judah maikhü nou puhle pfümounah thaifüa deirai haitao hinou hrüe.

¹³MAPAO nou Joshua hi paohpei khaituyu thaifüa puhnou Jephunneh nahpoutu Keleb hi Judah mai dei hinou daotou depeiwure, sühai Kiriath-arbah touyu Hebron hie (Arbah hai Anak puo-e).

¹⁴Keleb nou sühinou Anak nahpoutu Sheshai, Ahimana alia Talmai puhtao asü ye hulailoue.

¹⁵Puhnou sühinou khe Debir (raikio Kirriath Sepher teanou kuwe) hi hrüa buyu mai ye reih soutare.

¹⁶Alia Keleb nou paoe, “Mai tara linoua Kiriath Sepher ye reih soua polouyu nasü panou Anah naotupai Aksah ye naloulai.”

¹⁷Keleb thaihou Kenaz nahpoutu Othniel nou sühai poloue; alia puh nah naotu Aksah yesü houna ki khaipeiwure.

¹⁸Honapai nou puo hi velouyu thai, honapai nou puh hi dou ali puh puo hinou khoulouo tea paoe. Honapai nou rheisüh phao hinou taokouh louyu thai, Keleb nou puhnah pai hisü noue, “Ne daie jüpawe?”

¹⁹Honapai nou puh puo hi chila peie, “Nenou Eye peikhai touyu dei nasü deithe baie, südonou eye dzüla payu dei ali peipulaio.” Südonou Keleb nou honapaiye reilo buyu alia khelo buyu dzühou ahai nou peiwure.

²⁰Judah maitao nou puhle kihikhamai thaifüa kaalo ngaolouyu haitaoe.

²¹Khelo akhai hi kouh Edom mai deirai hinou buyu Judah maivei nuhdu taohai Kabzeel, Eder, Jagur,

²²Kinah, Dimonah, Adadah,

²³Kedesh, Huzor, Ithnan,

²⁴Ziph, Telem, Bealoth,

²⁵Hazorhadattah, Kerioth-hezron (süolai, Hazor),

²⁶Amam, Shema, Moladah,

²⁷Hazargaddha, Heshmon, Bethpelet,

²⁸Hazar-shual, Beersheba, Biziothiah,

²⁹Baalah, Iim, Ezem,

³⁰Eltolad, Chesil, Hormah,

³¹Ziklag, Madman-nah, Sansannah,

³²Labaoth, Shilhim, Ain, alia Rimmon: sütao teitei hai nuh kaiküe.

³³Alia dei thouhi buyu nuh taohai, Eshteol, Zorah, Ashnah,

³⁴Zanoah, Engannim, Tappuah, Enam,

³⁵Jarmuth, Adullam, Sokoh, Azekah,

³⁶Sha-araim, Adithaim, Gederah, alia Gederothaim, sütao hai nuhdu alia nuh taitya loua nou kiadai-e.

³⁷Süthaisü Zenam, Hadeshah, Migdalgad,

³⁸Dilan, Mizpeh, Joktheel,

³⁹Lakhish, Bozkath, Eglan,

⁴⁰Kabbon, Lahman, Chitlish,

⁴¹Gederoth, Bethdagon, Naamah, alia Mekkedah: nuh sütao hai kiarou-e.

⁴²Süthai hai Libnah, Ether, Asham,

⁴³Iphtah, Ashnah, Nezib,

⁴⁴Keilah, Achzib, alia Mareshah: nuh sütao hai aküe.

⁴⁵Ekron ye koa sühi buyu nuh tao;

⁴⁶alia Ekron hinou poa Zai hi kouyu hinou buyu Ashdod ye da-a buyu nuh teitei-e.

⁴⁷Ashdod alia Gaza hi buyu nuh taidu teitei, alia sühinou kouh Ejipt mai deirai dzükü hinou Zaidu hi koute-e.

⁴⁸Deichi hinou buyu nuh taohai - Shamir, Jathir, Sokoh,

⁴⁹Dannah, Kiriath-sannah (süolai Debir),

⁵⁰Anab, Eshtemoh, Anim,

⁵¹Goshen, Holan, alia Giloh: nuhdu alia nuh taitao lou-a nou kiali-e.

⁵²Arab, Dumah, Eshan,

⁵³Janim, Bethtappuah, Aphekah,

⁵⁴Humtah, Kiriath-arba (Sühai Hebron we), alia Zior: nuh sütao aküe.

⁵⁵Maon, Karmel, Ziph, Juttah,

⁵⁶Jezreel, Jokdeam, Zanoah,

⁵⁷Kain, Gibeah, alia Timnah: sütao hai nuh kirou-e.

⁵⁸Halhul, Bethzur, Gedor,

⁵⁹Maarath, Bethanoth, alia Eltekon: nuh sütao hai arou-e.

⁶⁰Kiriath-baal (Süolai Kiriath-jearim), alia Rabbah: nuh ahai.

⁶¹Vaohro hinou buyu nuh taohai, Betharabah, Middin, Sekakah,

⁶²Nibshan, Tai vei nuhdu, alia Engedi: sütao hai nuh arou-e.

⁶³Ana Judah mainou Jerusalem hinou hrüa buyu Jebus maiye hulai loumore, südonou Jebus mainou Judah maiye koa Jerusalem hinou zhaodao koutea bue.