Read Poumei Naga JOSHUA 16 Bible Online

JOSHUA 16 - Poumei Naga bible

JOSHUA 16

¹Josef maiye peiyu teidei raih hai Jeriko vei teinghi palo nghia buyu Jordan hinou Jeriko vei dzüla payu hinou poa vaohro hi khe deichiva buyu Bethel nuh hie.

²Süthaisü Bethel hinou Arkhi mainou hrüyu Ataroth Addar lahpokou Luz hi koute-e.

³Süthai teinghi loulova kouhloua Japhlet mai vei teidei hinou Beth-horon khe-e, sühinou Gezer hi kouhloua Mediterranean Zai hi nou kou khaisoue.

⁴Josef vei tyaonahtao, Ephraim alia Manasseh mainou puletao vei kaalo sü ngaoloue.

⁵Ephraim khü nou puletao kihikhamai thaifüa teidei haitao ngaoloue: puletao vei deiraih hai Ataroth-addar hinou Beth-horon hi khete-e,

⁶alia sühinou Zaidu nahi kouwe; reikou vei deirai hai Mikmetheth, alia teinghi palova hipoa Tannath-shiloth hilo kouwe, alia sühinou lakhai shakouh teinghi palo buyu Janoah hi kouh-we.

⁷Süthaisü Janoah hinou Artaroth alia Naarah hi kouhte-e, sühinou kou Jeriko nghia buyu Jordan hinou akhai soue.

⁸Tappuah hinou puletao vei deirai hai teinghi loulo kouloua Kanah reitou hivai lou Zaidu hinou khaie. Sühai Ephraim khüvei kaaloe.

⁹Manasseh maivei deirai hinou buyu nuh taoli hai Ephraim maiye peie.

¹⁰Ana puhmai nou Gerer hi hrüa buyu Kanaan maiye hulai loumoe; südonou zhaodao koutea Kanaan mainou Ephraim mai ye koa hrüa bue, ana puhmaiye sü puhle vei qila panou soue.