Read Poumei Naga EBRIAMAI 5 Bible Online

EBRIAMAI 5 - Poumei Naga bible

EBRIAMAI 5

¹Daiolouzü Napao Peicha taliye sü maikhemai hrohinou dopaloue ea maikhemai sühsoua Ramai kuvah soure donou, sapeina popeiyu ea mah donou posheela peiloure donou buh thoupei khaitoue.

²Puh lah-a lelou hoyu donou, tsübo sümoyu ea mahmo tayu maitaoye-a puhnou koa natai-a bulou süwe.

³Alia sübüa lah puh-a lelouho donou, maikhemai mah donou likhei baimoa lah puhvei mahtao donoua posheela peiyu sü souvu zülai.

⁴Maitalinoua tsükhouyu Napao Peicha buh hainasü lahnou khaloumoe, ana Aaron kua puhye sü Ramai nou kuloue.

⁵Sübütoua, Khrista-a lah puhnou Napao Peichana souloure donou tsükhouyu buh nasü khaloumoe. Ana Ramai nou puh hi paoe, “Ne sü Anah Poutue; Zhou Esü Nepuo souloure.”

⁶Buh akuli hinou haikua puhnou paokhaie, “Newo Melkizedek vei napao zhai süna thaifüa teisanou napao soulai.”

⁷Jisu puhnou deiphao hi hrübu kisü, athai hinou puhye khailupa peilou süyu Ramai puh hi paikua nghidzü koua ea veachi paoa khowe, alia puhnou natai-a Ramaiye pi-a hrüyu vanou puh khosü noupeie.

⁸Puhsü Ramainah Poutu khaia puhvei veahoyu hinou paochi züyu sü puhnou douloue.

⁹Alia puhye souliche peiyu kisü puhsü puhnou paoyu züyu maikhemai hrülai donou teisa khailu louyu peiloure dzünghou soutare,

¹⁰alia Melkizedek vei napao zhai süna thaifüa puh hai Napao Peicha nasüe tea Ramai nou dua paopa peire.

¹¹Ehnou haina vanou paore alaosoua bue, ana süsü neletao hi paoshee peiyu tatei shoe, daiolouzü neletao sü thala-a sülou bae.

¹²Daiolouzü chuwo neletao hai dou-apei mai soua buyu phare, sütoukhaia chu koute-a neletao hai kamaiye panou neletao hi Ramai vei chipao araikhatao doupei molouzü shilaiyu buloure. Neletaowo chu koute-a tokaa toumoa naodzünou külai,

¹³daiolouzü naodzünou kü-a hriyu puhsü taishoyu nahmai ali baiyu donou puhsü acheche chipaona vanou avei ashi sükumohie.

¹⁴Ana tokaana louzü soukho pfükho lou-a avei-ashi sükulou süyu tsümaitao donoue.