Read Poumei Naga JEMS 3 Bible Online

JEMS 3 - Poumei Naga bible

JEMS 3

¹Athaihou jürai maitao, neletao mai poulo nou dou-apeimai souwuso, daiolouzü kukhe maiye jünou Eletao dou-apei maiye nou tatei koushoa chikulai touyu sü neletao nou süwe.

²Daiolouzü Eletao hrülai nou phabu sanou soumah baiwe. Ana maitalinou puhnou chi paoyu hi hakia paomah khaimore toulouzü, puhsü lichere ea puhnou puhvei hrümai teitei-a khangilou süre.

³Eletao nou rheiye panou kho züloure donou süna mühi mükhanou khawu louzü, Eletao nou puhye sü Eletao züpa buh hi satalou baiwe.

⁴Moa dzülukiye zhukhaio: sünahai dushokhaia ea chihshoyu teikhainou hüpoa takhaia, sünaye sü dzüluki veiyu taishoyu sücha alinou poveiloua dzüluki veimainou tanüyu buh hi talouwe.

⁵Südonou mali-a sübüwe: sünahai taishokhaia, sünanou ha aduli vanou khaophu soulouwe. Kazhaibüa dushoyu vao aliye taishoyu meikei alinou deilai khailou süsa chokhaio!

⁶Alia mali hai meie. Haisü mahmoyu vei deiphaoe. Eletao vei pfüphao zhatao hrohinou malinou pfüphao teiteiye souzhailou veiyu buh hinou bue. Mali nou puh hi meizai vuzü hinou veyu mei sünanou Eletao hrümai teiteiye sü panou meinou deiwe.

⁷Emai nou kukhe khaona veishi- rekou khaosou, raohou, pounou süroutayu khaona ea khah haitaoye sü souvü lousüe ea souvülou baiwe.

⁸Ana maitalinou maliye sü souvülou khaimohie. Haisü thailou veiyu pou ashinou phoua buyu ea tukhashalou hoyu ashi sünasüe.

⁹Eletao nou hainaye posei-a Eletao Mapao ea Puoye kalo paowe, alia hainasü posei-a Ramai zhurai hinou soukhai touyu maikhe maiye chawe.

¹⁰Mü ali hinou kalo paoyu chipao ea maiye chayu chipao pawe. Athaihou jürai khemai, haisü haibüa soukhailai moe!

¹¹Dzülamü ali hinou dzüyu ea khayu dzü küpatamoe.

¹²Athaihou jürai khemai, doushibe alinou oliv shi shilouhoe; moa darkhabe nou doushi shilouhoe, moa tai dzüla hinou dzüyu dzü palouhoe.

¹³Neletao hrohi thaohnou tsü veiwe ea tsü süwe? Puhye panou süsü puhvei hrümai aveinou, alia nataiyu ea ratsüna hinou soukhai touyu puhvei vah aveitao nou pongaokhaio.

¹⁴Ana neletao lekhe hinou maiye ngaoraiyu, khataoyu, alia dutounüyu hai bulouzü, neletao vei ratsü süna vanou khaophu soua achechena pei hisü mah soukhaiwuso.

¹⁵Haibüyu ratsü süwo raki hinou koumoe; süsüwo deiphao veibaie, süsüwo rakovei moe, rashivei baie.

¹⁶Maiye ngaoraiyu ea dutou nüyu buh hisü bvüroyu ea ashi tyatyali bue.

¹⁷Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

¹⁸Alia kaonayu pove peiyu mainou acheche vei chachiyu hai kaonayu hinou vuthou peikhai toue.