Read Poumei Naga 2 JOHAN 1 Bible Online

2 JOHAN 1 - Poumei Naga bible

2 JOHAN 1

¹Atsüna hinou — Enou chekhaoa leshiyu naotupai ea puh nahmaitao hi rüwe. Alia E likhei baimoa achechenaye süyu puletao hrülai nou-a neletaiye leshie,

²daiolouzü acheche nasü Eletao hi bue ea sünasü Eletaoye koa teisanou bulai.

³Acheche ea leshi hinou, zhuvea, khu-leshi alia kaonayu nasü Puo Ramai ea Puo vei Nah Poutu Jisu Khrista hinou Eletao hi koa bupeilai.

⁴Puo nou Eletao hi chikha peiyu büa, nevei nahmai kamai taonou acheche hinou ta-a buyu sü Enou ngaoloua daizhozhou sasa.

⁵Alia südonou, leshiyu naotupai, Enou nehinou khowe, süolouzü Eletao hrülai alinou liye leshi laikhe. Haisü Enou ne hi ashu chikhali peia rümoe; chikha haina hai daorai kinou Eletao hi bure.

⁶Alia eletao nou puhvei chikha züa tae touyu sü leshiyu hai nasüe; neletao nou shurai hinou choulouyubüa, puhvei chikhana louzü neletao hai leshi hinou ta-a bulo touyu nasüe.

⁷Jisu Khrista hai kezhe daloua ve-e touyu popei bayu amada mai alaosou deiphao teiteihi tare. Sübüyu mai talisü amada maie ea amada Khrista nasüe.

⁸Eletao nou vah soupeiyu nasü nelenou hawu more donou, ana nelenou buu chekhoua ngaoloure donou neletao lah zhutoulouwo.

⁹Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.

¹⁰Südonou mai talinou neletao hi ve-a doupeiyu hainasü povepei molouzü puhye sü neletao kihi salou shepeiwuso moa puhye sasa-a khurüwuso.

¹¹Daiolouzü puhye sasa-a khurüyu mai talisü puhvei ashi vah süna hisü koalou zha ngaozho loure.

¹²Enou neletao hi rüre alaosou bue, ana Enou larü ea larüdzü nou sei-a rükhailai moe. Süjüwo, Eletao vei asah nasü panou chekhou loure donou Apfüzho nou neletao hi taveloua neletaoye zhukhei haonou tave dao-a chiphare sü Enou rei-a bue.

¹³Dopayu netupai vei nahmaitao nou nehi sasa-a khurüyu chidoh seiwe.