Read Poumei Naga 3 JOHAN 1 Bible Online

3 JOHAN 1 - Poumei Naga bible

3 JOHAN 1

¹Atsüna hinou — Enou acheche hinou leshiyu Gaias hi rüwe.

²Enou leshiyu Asa, neye panou hata hinou kaozhou veia bure donou alia nevei rakonou veia buyu büa nevei pfüphaoa panou veia bure donou Enou veachi paoa bue.

³Daiolouzü Khristamai thaihou jürai kamainou taveloua nevei acheche hrü vanou zhopaoh souyuki Esü daizhozhou lesasa, süolouzü chekhaoa ne hai teisanou acheche hinou ta-a bue.

⁴Anah maitao nou acheche hinou hrüa bue tea choulouyu süna jünou dukouyu Avei asah kukhe hare.

⁵Leshiyu Asa, nenou nevei Khristamai thaihou jüraitao hi ea koulihsoua shevai-shesü maitaohi soupeia buyu vah tali hinou ne sü daizhozhou chechesa.

⁶Puletao nou nevei leshi vanou hai hi buyu lüloumaimehi zhopaoh peire. Ramaiye sousa peire zhaido hinou leshia puletao vei veihdu nasü nghojü hilo takoure donou soukha peikhaio.

⁷Daiolouzü puletao nou lüloumo maitao hinou soukhayu halia pomoa tapayu sü puh zhih donou baie.

⁸Südonou Eletao-a acheche hinou koa vahsou zhoyumai soure donou sükuyu maitaoye Eletao-a soukha züe.

⁹Enou lüloumaime hi jüshoyu seiko ali rüve, ana puh lah aduna sounüyu Diotrephes nou Enou süthai peiyu sü popei bae.

¹⁰Südonou Enou velouzü, puhnou soua buyu süolouzü shi-kha chinou Eletao pei hi puhnou raochichi-a buyu teiteisü popa ngaopeilai. Alia sükoutea khamoa puhnou thaihou jürai maitaoye-a shepei bae, alia puletaoye shepei nüyu maitaoye-a puhnou nuwe ea puletaoye lüloumaime hinou hutawe.

¹¹Leshiyu Asa, ashi zhaisü douso, ana avei zhainasü doulo. Avei souyu puhsü Ramai hinou ve; ashi souyu puhsü Ramaiye ngaolou mohie.

¹²Mai hrülainou ea acheche sünanou-a Demetria vanou zhopaoh avei peiwe. Eletao-a puh vanou zhopaoh avei peiwe ea Eletao vei zhopaohsü chekhaoe touyu sü nelenou süwe.

¹³Enou nehi rüre alaosou bue, ana Enou sünasü rüsüünou ea larüdzünou seia rükhailai moe.

¹⁴Enou neye thala-a daoresü rei-a bue, alia zhu kheihaonou tavedaoa koa Ahai chi phalai.

¹⁵Kaonayu sünou nehi bupeiyu souloutheo. Haihi buyu ne samaitao nou nehi khurüyu chidoh seivewe. Eletao samai alili hi khurüyu chidohsü pola peikhaio.