Read Punu Dibandu 36 Bible Online

Dibandu 36 - Punu bible

Dibandu 36

¹Ababa la bategula baEsau, diina diandi disusu Edom.

²Esau amawela bagatsi bandi o Canaan: Ada muana mugetu uElon muisi Hitt; na Oholibama muana mugetu uAna muana mugetu uSibeon muisi Hevie.

³Na Basmat muana mugetu uIsmael yibusi yiNebayot.

⁴Ada amaburila Esau Elifaz; Basmat amabura Reouel; Oholibama amabura Yeouch na Yalam na Cora.

⁵Amana miina mabaana bababaala baEsau, abamaburulu o bulongu buCanaan.

⁶Esau amabonga bagatsi bandi na baana bandi bababaala na babagetu na bisi ndagu andi botsu na migamba miandi na biruitsi biandi na biotsu abi amadilila o bulongu buCanaan, amawenda o dilongu disusu vala na muana nguji andi Jacob.

⁷Diwendi rie: busina buogu bumaviolila ufuna, adina dimabagandisa utsana va mosi, mbura aji bamatsaninanga jisamaba jiwelimina na jogu botsu mu diambu dimigamba miogu.

⁸Kabogu Esau amatsana o mukongu uSeir. Diina disusu diEsau, Edom.

⁹Ababa la bategula baEsau, abamaba bisi Edom abamaburulu o julu mukongu uSeir.

¹⁰Miina mabaana bababaala baEsau amama: Elifaz muana dibaala uAda mugatsi uEsau; na Reouel muana dibaala uBasmat mugatsi uEsau.

¹¹Miina mabaana bababaala baElifaz amama: Teman, na Omar na Sefo na Gatam na Quenaz.

¹²Timna amaba mugatsi uElifaz muana dibaala uEsau.

¹³Miina mabaana bababaala baReouel amama: Nahat na Zera na Chamma na Miza; abana la baana bababaala baBasmat mugatsi uEsau.

¹⁴Amama la miina mabaana bababaala baOholibama muana mugetu uAna muana mugetu uSibeon mugatsi uEsau jandi amamuburila Yeouch na Yalam na Cora.

¹⁵Amama la miina mabasefu babifumba bibaana bababaala baEsau. Amama la miina mabaana bababaala baElifaz agumaba tsomi Esau: sefu Teman na sefu Omar na sefu Sefo na sefu Quenaz,

¹⁶na sefu Cora na sefu Gatam na sefu Amalec. Amana la miina mabasefu abamaburu na Elifaz o bulongu buEdom. Jogu bavu baana bababaala baAda.

¹⁷Amama la miina mabaana bababaala baReouel muana dibaala uEsau: sefu Nahat na sefu Zera na sefu Chamma na sefu Miza: Amama la miina mabasefu abamaburu na Reouel o bulongu buEdom. Abana bavu baana bababaala baBasmat mugatsi uEsau.

¹⁸Amama la miina mabaana bababaala baOholibama mugatsi uEsau: sefu Yeouch na sefu Yalam na sefu Cora. Amama la miina mabasefu abamaburu na Oholibama muana mugetu uAna mugatsi uEsau.

¹⁹Amana la miina mabaana bababaala baEsau na abana la basefu bogu babifumba. Diina disusu diEsau Edom.

²⁰Amama la miina mabaana bababaala baSeir muisi Hori; baHori bamarela utsana o bulongu bueni: Lotan na Chobal na Sibeon na Ana,

²¹na Dichon na Esser na Dichan. Abana la basefu baHori abamaba baana bababaala baSeir o bulongu buEdom.

²²Miina mabaana baLotan amama: Hori na Hemam. Yibusi yiLotan diina diandi Timna.

²³Miina mabaana bababaala baChobal amama: Alvan na Manahat na Ebal na Chefo na Onam.

²⁴Miina mabaana bababaala baSibeon amama: Aya na Ana. Ana eni agumasupulila bileka bimamba mamuji o kumu ava amakelisilanga baburu bataji andi Sibeon.

²⁵Miina mabaana baAna amama: Dichan na Oholibama muana mugetu uAna.

²⁶Miina mabaana bababaala baDichan amama: Hemdan na Echeban na Itran na Keran.

²⁷Miina mabaana bababaala baEsser amama: Bilehan na Zavan na Acan.

²⁸Miina mabaana bababaala baDichan amama: Ous na Aran.

²⁹Miina mabasefu baHori amama: sefu Lotan na sefu Chobal na sefu Sibeon na sefu Ana;

³⁰na sefu Dichon na sefu Esser na sefu Dichan. Amama la miina mabasefu baHori, basefu abamabanganga o bulongu buSeir.

³¹Amama la miina mabakaga abamaruma o bulongu buEdom nesi vakalabana abamaruma o bulongu buIsrael.

³²Bela muana dibaala uBeor amarumanga bulongu buEdom; diina dimusiengi andi dimaba Dinaba.

³³Bela amafu; Yobab muana dibaala uZera muisi Bosra amaruma va yivinga yiandi.

³⁴Yobab amafu; Houcham muisi bulongu buTeman amaruma va yivinga yiandi.

³⁵Houcham amafu; Hadad muana dibaala uBedad amaruma va yivinga yiandi, jandi agumabetsa bisi Madian o musiru uMoab. Diina dimusiengi andi dimaba Avit.

³⁶Hadad amafu; Samba muisi Masreca amaruma va yivinga yiandi.

³⁷Samba amafu; Saul muisi Rehobot adimaba va mugula mujamba amaruma va yivinga yiandi.

³⁸Saul amafu; Baal-Hanan muana dibaala uAkbor amaruma va yivinga yiandi.

³⁹Baal-Hanan muana dibaala uAkbor amafu; Hadar amaruma va yivinga yiandi, diina dimusiengi andi dimaba Paou; na diina dimugatsi andi Metabeel muana mugetu uMatred muana mugetu uMe-Zahad.

⁴⁰Amama la miina mabasefu abamaburu na Esau na bukulu bubifumba biogu na malongu na miina mogu amama: sefu Timna na sefu Alva na sefu Yetet,

⁴¹na sefu Oholibama na sefu Ela na sefu Pinon,

⁴²na sefu Quenaz na sefu Teman na sefu Mibsar,

⁴³na sefu Magdiel na sefu Iram. Amama la miina mabasefu baEdom na malongu mogu ama bamadilanga. Aguna la Esau agumabura bisi Edom.