Read Punu 2 Samuel 16 Bible Online

2 Samuel 16 - Punu bible

2 Samuel 16

¹Yika David evioyi julu jimukongu, Siba musalitsi uMefibaal amayenamubengusana na buru beji atsimalongulu kama beji tsimapa na kama jibisaga bifiga na kama milunda misusu na yingamba yimosi yimalamu.

²Kaga amawivula Siba rie: Yi guvaga na biotsu bina? Siba amawaka rie: Baburu bonangiganga mikuta miagu; mapa na milunda biulisulungu bagora; na malamu monuisungu jogu abotogulungu okumu.

³Kaga amawivula rie: Mefibaal aka? Siba amawagula kaga rie: Amasiala o Jerusalem mu mbari amatasa yiri baIsrael bomugabusila bufumu bukaga andi.

⁴Kabogu kaga amavosa rie: Nyiguveyi biotsu abimaieba biMefibaal. Mbana Siba amagudama va tsi na amavosa rie: Diboti dineni! Nyuba musalitsi agu mutubu.

⁵David amaiola te no Bahourim. Avana vamapalila dibaala adimaba mu yifumba na mu mukuta uSaul, diina diandi Chemei muana dibaala uGuera, amayenasienganga David.

⁶Amatindila David na basalitsi bandi mamanyi, diuleba batu na bagora bamaba yiari na yiari bikaga.

⁷Chimei amamusienganga rie: Wendanga, wendanga, yikongu nana ndeʼ guji mutu mubi!

⁸Fumu egukilisi mu diambu dimalungu motsu mabisi ndagu Saul agu ndeʼ gumapatula bufumu. Fumu amawakisa bufumu ombu muana agu Absalom na ndeʼ gumapatulu bufumu. Fumu amawakisa bufumu ombu muana agu Absalom na ndeʼ beni yika maguga gulabanga! Ka muna yikongu yi!

⁹Mbana Abichai muana dibaala uSerouia amawivula kaga rie: Dibandu yi mondi eni jifu egusiengili? Kokolu tsiagu nsingisi uyemutabula muru.

¹⁰Tumba kaga amawivula rie: Jenu baana bababaala baSerouia, yina yi? Pa ensiengi Fumu amamuruma rie: Sienga David! Kabogu anyi omuwivula rie: Dibandu yi guivayili nana?

¹¹David amatsingula Abichai na basalitsi bandi botsu rie: Labanu muana agu meʼ beni nyimabura erondi umboka; tambusa na baBenjamin beni! Mudundianu, ansiengingi, Fumu amamuruma.

¹²Tanguji Fumu ogengila diguga diami na okabusila yika maboti utsindula bisiengu binamunyi.

¹³David na batu bandi bamayenawenda. Chimei amayenawendanga mu dundeti dumukongu bebeli na David. Amayenasienganga nobatindilanga mamanyi na difufundu ava amayenawendilanga.

¹⁴Kaga na batu botsu abamaba nandi bamatola o disimu diJourdain, avana bamatsanina.

¹⁵Absalom na yinombu yineni yibaIsrael bamakota o Jerusalem; Ahitofel amaba nandi wandi.

¹⁶Ava Houchai muisi Ark agumaba mulongitsi uDavid amatolila ombu Absalom amagamuga rie: Abi kaga! Abi kaga!

¹⁷Absalom amawivula Houchai rie: Kabogu anana guikelisili mbatsi agu? Dibandu yi gusamawendila nandi?

¹⁸Houchai amawaka Absalom rie: Mu mbari nyirondi ufubana na jandi agu Fumu na baIsrael botsu bamasola; nandi nyutsananga.

¹⁹Anyi nyusalilanga? Digorungula uba muana andi? Nana nyimssalila taji agu anana wandi nyugusalilanga.

²⁰Absalom amavosa na Ahitofel rie: Ndonsi, yi tuvaga?

²¹Vana vana Ahitofel amavosa na Absalom rie: Kotisa bagatsi bataji agu aba amasila ukelisa ndagu; anana baIsrael botsu bojabila yiri guji muinsi va gusu taji agu; mu dionyi botsu abavu nagu bowarusu.

²²Bamarangiyila Absalom ndagu jitsanda va julu muansa, Absalom amakotisa bagatsi aba taji andi amasila va misu mabaIsrael botsu.

²³Malongi amamalonsu vana temu eni na Ahitofel mamaba na mangolu nderi bamayemawivula Nsambi jaʼ beni. Anana dimabilanga na malongi motsu maAhitofel, nesi mu diambu diDavid nesi diAbsalom.