Read Punu 1 Misamu 11 Bible Online

1 Misamu 11 - Punu bible

1 Misamu 11

¹Bifumba biotsu biIsrael bamawenda ombu David o Hebron na bamavosa rie: Guluati jetu nenu tuvu mbembu mosi na mukuta umosi.

²Kala kala ava Saul amabila kaga ndeʼ gumawendisanga bagora baIsrael o mavita na gumabagabusanga. Fumu Nsambi agu amaguruma rie: Gukabungulanga batu bami baIsrael na gubanganga sefu jiIsrael.

³Bivunda biotsu biIsrael bamawenda ombu kaga o Hebron. David amavangana pangini nogu va gusu Fumu o Hebron. Bamabiatsa David kaga nana Samuel amavosila Fumu.

⁴David na baIsrael botsu bamaweliga ubonga Jerusalem aguvu Jebus mu mbari baJebusie abamaba bisi bulongu bamayetsana.

⁵Bamatsingula David rie: Gugoruga gunu. Tumba David amabonga musiengi uSion, agumaba na bivaga; amaguluga musiengi uDavid.

⁶David amavosa rie: Uotsu agureyila ubelisa baJebusie oba yivunda yibagora. Joab muana dibaala uSerouia amareyila uwenda ubatumuna kabogu amaba yivunda yibagora.

⁷David amatsana o musiengi ukandu na amaguluga musiengi uDavid.

⁸Amarungisa bivaga yiari na yiari te no gusu kana Millo; Joab amalonda yiari yisusu yimusiengi.

⁹Buneni buDavid bumaviolila uroga mu mbari Fumu Nsambi Israel amabanganga nandi.

¹⁰Amama la miina mabatoyitsi bamangolu baDavid. Va mosi na baIsrael botsu bamatubula David kaga nana Fumu amarumina batu bandi baIsrael.

¹¹Miina mabatoyitsi amama: Ichebaal muana dibaala umuisi Hakamonie, amaba yivunda yitega yibagora. Amaboka kama yirieru tsibabaala na dikongu diandi mu yilumbu yimosi.

¹²Mbana Elazar muana dibaala uDodo mu mukuta uAhoa; jandi amaba umosi va gari barieru baneni.

¹³Amaba na David o Pas-Dammim ava baPhilistin bamababengunina ubatoyisa. Avana va nungi jiorsa; baIsrael bamayesuema o nungi eni.

¹⁴Bamatsana o gari nungi eni uyeviva baPhilistin; Fumu amabawaka tindi kalala.

¹⁵Yilumbu yimosi basefu barieru mu magumarieru bamarasuna David o dimanyi didilima diAdoullam o mulaku ubaPhilistin o yibususu yibaRefaim.

¹⁶David amaba o yisuemunu yikandu na bagora babaPhilistin bamaba o Bethleem.

¹⁷David amagulu puila na amawivula rie: Anyi opega mamba mayiduna ayivu va dikotulu dimusiengi uBethleem.

¹⁸Mbana bivunda bieni birieru bamavioga mbura aji baPhilistin bamaba na bamayetega mamba o yiduna ayimaba o dikotulu dimusiengi uBethleem. Bamabega mamba meni ama bamayewakisa ombu David; tumba David amabusa unu; amamavagulila Fumu ava amamapuyila va tsi.

¹⁹Amavosa rie: Aa Fumu, viaga ngaa na musuga unu mamba memama! Nyunu malungu mababaala beni abatsibutsiemusa mionyu miogu? Kabogu amabusa umanu. Anana batoyitsi beni barieru bamavayila.

²⁰Abichai muana taji Joab amaba yivunda yimagumarieru. Amanonga kama yirieru tsibabaala na dikongu diandi na amababoka; amadumusu va mosi na magumarieru meni.

²¹Amayitsu uviolila basusu na mu dionyi amaba yivunda yiogu tumba asamaba dedi na barieru batega.

²²Benaya muisi Cabseel muana dibaala uYoyada na mutegula ungogaga amajabunu na bisalu biandi bineni. Amadimba babaala babeji baMoab abamaba na mangolu maneni nderi yimbungu. Yilumbu yimosi amasunduga o gari yiduna, aguna amadimbila yimbungu yilumbu ayi mfula jivema jimanoyila.

²³Amadimba muisi Egypte agumaba na yirela yimetera beji na yibuku agumaba na dikongu va dikaka, dionyi dimaba nderi munongu umubuangitsi; amawenda na nguangu uyetoga nandi, amapatula muisi Egypte eni dikongu na dikongu dijaʼ beni amamubokila.

²⁴Anana Benaya amavayila; amakakusu va mosi na magumarieru.

²⁵Amagobusu uviolila magumarieru meni; tumba asamaba dedi na barieru beni batega. David amamusikiga uba mukelisi andi.

²⁶Mbe ka batoyitsi basusu miina mogu amama: Assael muana taji uJoab na Elanan muana taji uDodo muisi Bethleem

²⁷na Chammot muisi Haror na Heles muisi Palon

²⁸na Ira muana dibaala ulquech muisi Tecoa na Abiezer muisi Anatot

²⁹na Sibkai muisi Houcha na Ilai muisi Ahoa

³⁰na Marai muisi Netofa na Heled muana dibaala uBaana muisi Netofa

³¹na Ittai muana dibaala uRibai muisi Buibea uyiari yiBenjamin

³²na Hourai muisi biveli biGaach na Abiel muisi Bet-Araba

³³na Azmavet muisi Bahourim na Eliaba muisi Chaalbon

³⁴agumaba muana dibaala uHachem muisi Guizon na Yonatan muana dibaala uChague muisi Harar

³⁵na Ahiam muana dibaala uSakar muisi Harar na Elifal muana dibaala uOur

³⁶na Hefer muisi Mekera na Ahia muisi Palon

³⁷na Hesro muisi Karmel na Naarai muana dibaala uEzbai

³⁸Joel muana taji uNatan na Mibar muana dibaala umuisi Hagrie

³⁹na Selec muisi Ammon na Narai muisi Beroot agumabeyilanga bitogulu biJoab agumaba muana uSerouia

⁴⁰na Ira muisi yifumba yiYeter na Gareb muisi yifumba yiYeter

⁴¹na Urie muisi Hitt na Zabad muana dibaala uAlai

⁴²na Adina muana dibaala uChiza sefu jimosi jibaRuben agumaba na magumarieru mabagora bajaʼ beni,

⁴³na Hanan muana dibaala uMaaka na Yochafat muisi Meten

⁴⁴na Ouzia muisi Achetarot na Chama na Yeiel baana bababaala baHotam muisi Aroer

⁴⁵na Yediael muana dibaala uChimri na Yoba muana taji andi muisi Tis

⁴⁶na Eliel muisi Mahava na Yeribai na Yochavia baana bababaala baElnam na Itma muisi Moab

⁴⁷va mosi na Eliel na Obed na Yassiel bisi Soba.