Read Punu 1 Misamu 13 Bible Online

1 Misamu 13 - Punu bible

1 Misamu 13

¹David amabengusana basefu babatosini na babakama na bivunda biogu.

²David amatsingula bivunda biotsu biIsrael rie: Pa duilabi diwelimina na pa dionyi diruyili ombu Fumu Nsambi etu, tutindianu bilumbi o biari biotsu biIsrael, ombu baana bataji betu abamasiala nombu bavagulitsi bapagu na bisi Levi, tsiri yika o misiengi tumba te no biari na biari rie: Botsu baruyi uyebenguna netu.

³Tʼwendianu uyebonga yigara yipangini yiNsambi mu mbari tusamayikipanga yiotsu yitemu Saui.

⁴Batu botsu bamatabula diambu nana amavosila mu mbari dimalabana diwelimina nogu.

⁵David amagukiga baIsrael botsu ubandila o mandilu maEgypte o tandu te no Lebo-Hamat o banda, uyebonga yigara yipangini yiNsambi o Quiriat-Yearim.

⁶David na baIsrael botsu bamawenda o Baala, diwendi rie: Quiriat-Yearim o Juda uyebonga yigara yipangini yiNsambi ayimanengulungu na diina diFumu agumatsananga va gari bibagunu bibiansa.

⁷Bamanangiga yigara yipangini yiNsambi ayi bamayelaba o ndagu Abinadab mu dikalu, Ouza na Ahio bamawendisanga dikalu.

⁸David na baIsrael botsu bamasangilanga va gusu Nsambi na mangolu mogu motsu na bamawimbilanga nosiganga basambi na bangomfi na bandungu na bambumbu na mimbanda.

⁹Ava bamatolila o yisagulu yiKidon Ouza amasamba dikaka ugaanga yigara yipangini mu mbari bangombi bamayirekiga.

¹⁰Fumu amanyoyila Ouza tindi kabu na amamukilisa mu mbari amasakiga dikaka diandi va yigara yipangini. Ouza amafu vana vana va gusu Nsambi.

¹¹David amanyoyila Fumu mu mbari amakilisa Ouza mukilu udufu. Te na namunyi mbura eni jinengulungu Peres-Ouza.

¹²Muna yilumbu yieni David amalaba Fumu goma na amawivula rie: Tsie yigara yipangini yiukotila ombu gami?

¹³Kabogu David asamaba na murima umuekotisa yigara yipangini yiFumu o musiengi andi; amaruma batu uyibega o ndagu Obed-Edom agumaba muisi Gat.

¹⁴Yigara yipangini yiFumu yimatsana tsungi yirieru o ndagu Obed-Edom; Fumu amagabila ndagu andi miula va mosi na abandi botsu.