Read Punu 1 Misamu 25 Bible Online

1 Misamu 25 - Punu bible

1 Misamu 25

¹David na bivunda bibisi Levi bamapasula bategula baAssaf na baHeman na baYedoutoun; bamawimbilanga misamu miNsambi ava bamasiyilanga sambi na ngombi na bambumbu. Adudu la dutalu dujogu abamaba yisalu yieni:

²Baana bababaala baAssaf: Zakour na Joseph na Natania na Assarela; bamarumungu na taji ogu na bamawimbilanga misamu miNsambi na musuga ukaga.

³Baana bababaala baYedoutoun: Guedalia na Seri na Yechaya na Chimei na Hachabia na Mattitia; bamarumungu na taji ogu na bamawimbilanga misamu miNsambi ava bamasiyilanga sambi uyenayitsanga nosangilanga Fumu.

⁴Baana bababaala baHeman: Bouquia na Mattania na Ouziel na Chebouel na Yerimot na Hanania na Hannani na Eliata na Guidalti na Romameti-Ezer na Yochebecacha na Malloti na Hodr na Mahaziol.

⁵Botsu bana baana bababaala baHeman abamajabisa kaga misamu miNsambi nomudodisanga, Nsambi amavega Heman yigumi na baana bana bababaala na baana barieru babagetu.

⁶Botsu bana bamarumu na bataji bogu mu nyimbu tsiNdagu Nsambi na bamaba na bambumbu na bangomfi na basambi mu bisalu biNdagu Nsambi. Botsu bamasala o tsi durumu du Assaf na Yedoutoun na Heman nana kaga amarumina.

⁷Dutalu duogu dumaba kama beji na magumidunana na yinana: botsu bamawijingi nyimbu tsiFumu na bamayitsanga nododisanga Fumu na nyimbu tsieni.

⁸Bamabuaga mbanda ujaba nana bosalila bisalu biogu, nesi bangebi nesi bivunda nesi milonsi nesi badukitsi, botsu bamaba dedi.

⁹Mbanda jitega jimagaanga Joseph muana dibaala uAssaf na ajimubeji jimagaanga Guedalia,

¹⁰ajimurieru jimagaanga Zakour,

¹¹ajimuina jimagaanga Isri,

¹²ajimuranu jimagaanga Netania,

¹³ajiumusiamunu jimagaanga Bouquia,

¹⁴ajimusambuali jimagaanga Yessarela,

¹⁵ajimunana jimagaanga Yechaya,

¹⁶ajimufu jimagaanga Mattania,

¹⁷ajimugumi jimagaanga Chimei,

¹⁸ajimugumi na mosi jimagaanga Azarel,

¹⁹ajimugumi na beji jimagaanga Hachabia,

²⁰ajimugumi na yirieru jimagaanga Choubael,

²¹ajimugumi na muina jimagaanga Mattitia,

²²ajimugumi na yiranu jimagaanga Yeremot,

²³ajimugumi na yisiamunu jimagaanga Hanania,

²⁴ajimugumi na yisambuali jimagaanga Yochebecacha,

²⁵ajimugumi na yinana jimagaanga Hanani,

²⁶ajimugumi na yifu jimagaanga Malloti,

²⁷ajimagumabeji jimagaanga Eliata,

²⁸ajimagumabeji na jimosi jimagaanga Hotir,

²⁹ajimagumabeji na beji jimagaanga Guidalti,

³⁰ajimagumabeji na yirieru jimagaanga Mahaziot,

³¹ajimagumabeji na jina jimagaanga Romameti-Ezer. Kadi sefu amafubana na yigumi na baana bataji bandi babeji.