Read Punu 1 Misamu 27 Bible Online

1 Misamu 27 - Punu bible

1 Misamu 27

¹BaIsrael abamasalilanga kaga bamaba basefu bamikuta mibataji bogu na basefu babatosini na babakama na bivunda bibagora. Jogu bamarumanga yigumi na makabu mabeji amamakotanga nopalanga kadi tsungi; dikabu dikadi tsungi dimaba na magumabeji na tosini jina tsibagora:

²Tsungi jitega: Yachobam muana dibaala uZabdiel mu mukuta uPeres;

³amaba sefu jibivunda biotsu tsibagora batsungi jitega.

⁴Tsungi jimubeji: Dodai muisi Ahoa, jogu na Miclot bamarumanga tsungi ajimubeji.

⁵Tsungi jimurieru: Benaya muana dibaala uyivunda yibavagulitsi bapagu Yoyada.

⁶Benaya amaba dibaala dimosi dimangolu va gari magumarieru na amarumanga magumarieru meni; Ammizabad muana andi udibaala amaba yivunda yimosi yidikabu diandi.

⁷Tsungi jimuina: Assael muana taji uJoab na Zebadia muana andi udibaala.

⁸Tsungi jimuranu: Chamout mu mukuta ulzra.

⁹Tsungi jimusiamunu: Ira muana dibaala ulquech muisi Tecoa.

¹⁰Tsungi jimusambudii: Heles muisi Palon mu yifumba yiEfiraim.

¹¹Tsungi jimunana: Sibkai muisi Houcha mu mukuta uZera.

¹²Tsungi jimufu: Abiezer muisi Anatot mu yifumba yiBenjamin.

¹³Tsungi jimugumi: Marai muisi Netofa mu mukuta uZera.

¹⁴Tsungi jimugumi na mosi: Benaya muisi Piraton mu yifumba yiEfraim.

¹⁵Tsungi jimugumi na beji: Heldai muisi Netofa mu mukutauOtniel.

¹⁶Ababa la basefu babifumba bibaIsrael: Yifumba yiRuben: Eliezer muana dibaala uZikri. Yifumba yiSimeon: Chafatia muana dibaala uMaaka.

¹⁷YifumbayiLevi: Hachabia muana dibaala uQuemouel. Mutegula uAaron: Sadoc.

¹⁸Yifumba yiJuda: Elihou muana taji umosi uDavid. Yifumba yiIssakar Omri muana dibaala uMikael.

¹⁹Yifumba yiZabulon: Ichemaya muana dibaala uObadia. Yifumba yiNeftali: Yerimot muana dibaala uAzriel.

²⁰Yifumba yiEfraim: Osee muana dibaala uAzazia. Yiasi yiyifumba yiManasse yiyiari ayi wisi ewendisini: Joel muana dibaala uPedaya.

²¹Yiasi yiyifumba yiManasse yiyiari ayi wisi epalili abamatsana o Galaad: Iddo muana dibaala uZacharie. Yifumba yiBenjamin: Yassiel muana dibaala uAbner.

²²Yifumba yiDan: Azarel muana dibaala uYeroam. Abana la basefu babifumba bibaIsrael.

²³David asamasansama baIsrael abamaba na magumabeji mabilima na abasakabidugusu mu mbari Fumu amavangana ufunisa baIsrael nderi bambuelili.

²⁴Joab muana dibaala uSerouia amabanda usansama tumba asamajimana; Fumu amanyoyila baIsrael mu diambu disansama eni: jionyi jisamakota mu Dibuku diBisalu bibaKaga.

²⁵Azmavet muana dibaala uAdiel amaba yivunda yibisuegulu bikaga. Yonatan muana dibaala uOzias amakelisa bisuegulu bimisiengi mineni nesi migeyi nesi mikandu

²⁶Ezri muana dibaala uKeloub amakelisanga basalitsi abamafutsanga butamba udila biguji.

²⁷Chimei muisi Rama amakelisanga basalitsi bamfuga tsirayisan. Zabdi muisi Chefam amakelisanga bisuegulu bimalamu.

²⁸Baal-Hanan muisi Bet-Gueder amakelisanga manungi mamioliva na misikomora. Yoach amakelisanga bisuegulu bimatsi.

²⁹Chitrai muisi Saron amakelisanga migamba mibangombi abamakelusu o Saron. Chafat muana dibaala uAdlai amakelisanga bangombi abamakelusu o kumu.

³⁰Obil muisi Ismael amakelisanga basamo. Yadia muisi Meronot amakelisanga baburu.

³¹Yaziz muisi Hagrie amakelisanga bindombu na binsambi. Botsu bana bamaba bakelisi babisalu bikaga David.

³²Yonatan katsi David amaba mulongitsi uandi; amaba na diela na dujabu. Yehiel muana dibaala umuisi Hakamonie amalonsanga baana bakaga.

³³Ahitofel amaba mulongitsi ukaga. Houchai muisi Arkie amaba mbatsi jikaga.

³⁴Abamadukanga Ahitofel: Yoyada muana dibaala uBenaya na Abiatar. Yivunda yidibadi dikaga yimaba Joab.