Read Punu 2 Misamu 19 Bible Online

2 Misamu 19 - Punu bible

2 Misamu 19

¹Josaphat kaga jiJuda amagabuga na polu o ndagu andi o Jerusalem.

²Mubiyitsi Jehu muana dibaala uHanani amayemubengusanana amavosa rie: Je tuwamusa mutu mubi? Je ndeʼ guirondi jogu abevini Fumu? Adina ditsirombisa Fumu ugunyoyila.

³Ne nana gumalevaga mambu maboti mu mbari gumatsiemusa bakosi mu bulongu na gumakevega ria murima agu uotsu uduka Nsambi.

⁴Josaphat amatsana o Jerusalem. Mbana amamuetsiengila uyenadokimina batu ubandila o Bercheba o yiari yimukongu uEfraim unengila baIsrael ugabuga ombu Fumu.

⁵Amavaga bansonsi o misiengi miotsu mikandu mibulongu buJuda.

⁶Amalubusa bansonsi rie: Kebananu nana dutabulilanga bunsonsi; duyatabula bunsonsi mu diina dimutu tumba butabulianu mu diina diFumu. Jaʼ beni obanganga nenu ava dutabulilanga bunsonsi.

⁷Dumanu Fumu na kebananu na bifu bienu mu mbari Fumu Nsambi etu agogaru dibi na agegengili buneni bumutu na agesingi milendu udibiga mabi.

⁸O Jerusalem Josaphat amavega yisalu utabulanga bunsonsi buFumu ombu bisi Levi nombu bavagulitsi bapagu nombu basefu bamikuta miIsrael.

⁹Amabaruma maruma memama rie: Guluanu dukasalila Fumu na goma nokesunsa.

¹⁰Pa volabana diambu diranga utabula bunsonsi adi duwakusu na baana bataji bcnu abetsani o misiengi nesi dibukongu nesi dimigaga nesi maruma mamunongu na munongu nesi bingitsi, dukabasungiga yiri bagodila mbela va gusu Fumu na yiri agodulasa kabu andi, jenu na baana bataji benu. Anana duvayilanga mbana dugoba na mbela.

¹¹Amaria oba yivunda yibisalu yibuvagulitsi bupagu; Zebadia muana dibaala uIsmael oba sefu jindagu Juda, jandi okipanga mambu motsu makaga; bisi Levi boba bawamusi babansonsi. Waranganu na salanganu; Fumu abi na jandi aguivayingi maboti!