Read Punu Nehemie 10 Bible Online

Nehemie 10 - Punu bible

Nehemie 10

¹Mtu mambu meni motsu tumagana kaka aji tumasona mu dibuku. Basefu betu na bisi Levi na bavagulitsi betu bapagu bamajisinga; kabogu bamanamiga bilimba muna.

²Abamanamiga bilimba biogu ababa:

³Nehemie muana dibaala uHakalia agumba murumitsi. Na Sidequia

⁴na Seraya na Azaria na Irmeya

⁵na Pachehour na Amaria na Malakia

⁶na Hattouch na Chebania na Mallouk

⁷na Harim na Mermot na Obadia

⁸na Daniel na Guineton na Barouk

⁹na Mechoullam na Abia na Miamin

¹⁰na Maazia na Bilgai na Chemaya: botsu bana bavagulitsi bapagu. Bisi Levi: Yechoua muana dibaala uAzaria na Binnoui umosi mu baana bababaala baHenadad na Cadmiel

¹¹na baana bataji bogu:

¹²Chebania na Hodia na Quelita na Pelaya na Hanan na Mika na Rehob

¹³na Hachabia na Zakour na Cherebia

¹⁴na Chebania na Hodia na Bani

¹⁵na Beninou. Basefu babatu:

¹⁶Paroch na Pahat-Moab na Elam na Zattou na Bani na Bounni

¹⁷na Azgad na Bebai na Adonia na Bigvai

¹⁸na Adin na Ater na Hizquia na Azour

¹⁹na Hodia na Hachoum na Bessai

²⁰na Harif na Antot na Nebai

²¹na Magpiach na Mechoullam na Hezir

²²na Mechezabel na Sadoc na Yaddoua

²³na Pelatia na Hanan na Ananaia

²⁴na Osee na Hanania na Hachoub

²⁵na Hallohech na Pila na Chobec

²⁶na Rehoum na Hachabna na Maasseya

²⁷na Ahia na Hanan na Amana

²⁸na Mallouk na Harim na Baana.

²⁹Batu basusu bamafubana nogu: bavagulitsi bapagu na bisi Levi na bakelisi bamakotulu na bawimbitsi na basalitsi baNdagu Nsambi na botsu abamakakana na bisi malongu mangana udukanga migaga miNsambi na bagatsi bogu na baana bogu bababaala na babagetu abamaba bawelimina utsiyisa mambu.

³⁰Tumaleva pesi yiri tudedilanga migaga miNsambi amimavegu na Moise musalitsi Nsambi, nokipanga maruma na migaga na bingitsi biFumu Nsambi etu.

³¹Tugowetsa baana betu na bisi bulongu na tugowelila baana betu bababaala baana bogu.

³²Tugosumba yima mu yilumbu yiuvuma nesi bilumbu bibafeta abi bisi bulongu boyenasumbisanga. Kadi yilima yimusambuali tusila manungi mafutu na tubusa usuyiga miganu.

³³Va julu vana tuvaga mugaga rie: Kadi yilima mutu mutu oveganga mbongu tsilora jivema tsigarama jina mu yisalu yiNdagu Nsambi etu:

³⁴usumbila mapa mamapangini nesi pagu jitsangu nesi pagu jiunyensa tsibafeta nesi bima biyingitsi nesi pagu tsiutsindula dibumi dibaIsrael; va julu vana biotsu biwelimina ubuejisila Ndagu Nsambi etu.

³⁵Jetu na bavagulitsi bapagu na bisi Levi na batu basusu tumabuaga mbanda ujaba temu aji mukuta mukuta ubeyila mikansu mipagu miyilima na yilima o Ndagu Nsambi etu nana dimasonugulu mu migaga; tubeganga mikansu miwelimina unyensila pagu va yinyensulu yipagu yiFumu Nsambi etu.

³⁶Yilima na yilima tubeganga biumanga bietu o Ndagu Nsambi nesi abipali mu butamba nesi abiburi mu miri;

³⁷va julu vana tubeganga tsomi tsietu nesi tsibiruitsi bietu nana dimasonugulu mu migaga. Tubega tsomi tsimigamba mietu: nesi bindombu na binsabi o Ndagu Nsambi etu, tubiwakisa bavagulitsi bapagu abesali bisalu bieni.

³⁸Kabogu tumavangana ubeganga fufu na milunda mimiri miotsu na malamu na matsi ombu bavagulitsi bapagu ubisuega o bibuku biNdagu Nsambi. Tuvega yimosi mu digumi abibendi ombu bisi Levi. Bisi Levi boyegusulanga yimosi mu digumi o mbura la mbura aji tusalilanga.

³⁹Muvagulitsi upagu, mutegula uAaron obanganga na bisi Levi ava boyegusulilanga yimosi mu digumi. Bisi Levi bobeganga yimosi mu digumi biyimosi mu digumi o Ndagu Nsambi etu usuega o bibuku bindagu abivu bilundulu.

⁴⁰BaIsrael na bisi Levi boyesuega miensili mible na malamu na matsi; avana vavu bisalulu biMbura Nsambi na bavagulitsi bapagu abesali yisalu na bakelisi bamakotulu na bawimbitsi. Viaga tugolibana bisalu biNdagu Nsambi etu.