Read Punu Esther 1 Bible Online

Esther 1 - Punu bible

Esther 1

¹Yilombi yieyiyi yimalabana va temu kaga Xerxes, jandi agumarumanga kama na magumabeji na yisambuali yibiari o Inde te no Ethiopie.

²Ava kaga Xerxeʼs amabila va yitsiga yiandi yibukaga o Suse

³mu yilima ayimurieru yidurumu duandi amalambisila baneni bandi na basalitsi bandi mulambu uneni; amanengila bivunda bibagora baPerse na baMedie va mosi na bammitsi na basefu bayiari yieni.

⁴Amabalasa busina bubukaga buandi na tindi buneni buandi. Feta jimatsinga tsungi yisiamunu.

⁵Va disukusulu dibilumbu bieni kaga amalambisila bisi Suse botsu mulambu; nesi bisina nesi bijaga. Feta eni jimatsinga tsona jimfuimbila, bamaji va dulombili dukaga.

⁶Matsanda malina mavema na madumbulu mamaba matungu na mikudu miyinyuru ayivu va gari dumbulu na ubenga na milunga milora jivema mu makutu madusiengi. Bitsiga bilora jivema na bilora bimasunsu va dalasa ajimavagu na mamanyi madufunu duneni mamunongu na munongu.

⁷Mamoyi malora mamunongu na munongu mamasahisu unuisa batu malamu mapuela mapuela makaga.

⁸Basamatsotsa mutu unu, mutu mutu amanuanga nana amarondila, anana kaga amarumina basalitsi bandi.

⁹Vasti mugatsi kaga amalambisila bagetu nandi mulambu otidagu kaga Xerxes.

¹⁰Yilumbu yimusambuali kaga amabasa na nsangu jimalamu na amanengila yisambuali yimivangu abamamusalila: Mehouman na Bizta na Harbona na Bigta na Abagta na Zetar na Karkas.

¹¹Amabaruma uduisa mugatsi andi Vasti dugaba dubukaga nomubega ombu gandi. Amaronda ulasa batu na bivunda kembu jimugatsi andi; amaba tindi muboti.

¹²Tumba Vasti amabusa uwagula mbila jimulumi andi ava mivangu bamamunengila mbila kaga. Kaga amanyoga tindi kabu.

¹³Mbana kaga amanengila batu badiela nana yifu yiandi yimabila; amamoga nogu ujabanga migaga ne utabula bunsonsi.

¹⁴Va gari baneni beni abamabambana nandi: Karchena na Chetar na Admata na Tarsis na Meres na Marsena na Memoukan; bamaba yisambuali yibaneni baPerse na baMedie abamaba diteji na kingu na kaga agumabavega musuga uotsu.

¹⁵Kaga jandi rie: Pa tuikipi migaga yi tuvayila Vasti? Atsibusa uwagula mbila ami diuleba nyimatinda mivangu uyemulanda.

¹⁶Memoukan amawagula kaga na baneni bandi rie: Mugatsi agu Vasti agaavayila wagu pinsa dibi; atsidivayila baneni botsu nesi babaala botsu abavu o biari biotsu bibufumu buagu.

¹⁷Yifu yieni yikaga jimugetu yiudugunu bagetu botsu na yiubarombisa ulensa balumi bogu. Bovosanga rie: Nesi Vasti amabusa uwagula mulumi andi.

¹⁸Muna yilumbu yi na nyangu bagatsi babaneni baPerse na baMedie begulu adi kaga jimugetu amavayila mulumi andi kabogu adina diubarombisa ubusa uwagula balumi bogu dedi mosi; adina diuba dibandu na dilensa diogu diubarombisa musosi.

¹⁹Pa ndeʼ kaga guilabi diwelimina turuma rie: Vasti agaa na musuga umuelabana va gusu agu na guvega bukaga bumugetu ombu mugetu ususu aguba uwelimina. Diruma dieni diusonugu mumigaga miPerse na Medie, kabogu digotsindulu.

²⁰Ava diruma diagu diujabunu o bufumu buagu buotsu, bagetu botsu bokesunsa va gusu balumi bogu ne pa aji muneni vo yifufu.

²¹Ditasa dieni dimalasa kaga na baneni bandi ubueji; kaga amakipa dilongi diMemoukan.

²²Amatinda miganda o biari biotsu bibufumu; yiari yiari na nsonogulu ogu na kadi batu na mbembu ogu. Dimasonugu rie: Dibaala diotsu abi fumu jindagu andi na avosingi yika mbembu andi.