Read Punu Esther 2 Bible Online

Esther 2 - Punu bible

Esther 2

¹Mambu meni manovioga, kabu jikaga jimasaguga na amarangimina Vasti na adi amavaga nesi diruma adimarumu mu diambu diandi.

²Mbana jogu abamasalilanga kaga bamavosa rie: Tugurombila baana babagetu abasakajaba babaala na abavutindi baboti.

³Sola bivunda bibiari biotsu bibufumu buagu abiugukiga baana babagetu botsu abasakajaba babaala na abavu tindi baboti; babeyi o Suse o ndagu jibagctu bakaga. Hegue muvangu ukaga obakelisanga nobaveganga matsi na miyombu.

⁴Muana mugetu agu kaga oronda oba mugatsi andi va yivinga yiVasti. Ditasa dieni dimalasa kaga ubueji, kabogu amadisinga.

⁵Umaba muJuif agumatsananga o Suse, diina diandi Mardochee. Amaba muana dibaala uYair mutegula uChimei na Quich agumaba muisi Benjamin.

⁶Amabcgu o Jerusalem va mosi na baviga baNabucodonosorkaga jiBabylone ava Yekonia amabila kaga jiJuda.

⁷Mardochee amabungula Hadassa, diina diandi disusu Esther. Taji na nguji banofu Mardochee amamubonga. Esther amaba tindi muboti.

⁸Banoyenanyavisa diruma dikaga banumba bapuela bamabegu o Suse. Esther wandi amabegu o ndagu kaga; Hegue agumakelisanga bagetu botsu bandagu kaga amamukelisa.

⁹Amamuronda na amamuvayila maboti. Amamurombila matsi na miyombu na biotsu bisusu. Amamuvega yisambuali yinumba umusalila abamaba banumba bandagu kaga na amabatsanisa o yibuku yindagu ayiviolila ubueji.

¹⁰Esther asamatubula yiri muJuif avu mu mbari Mardochee amamugandisa udivosa.

¹¹Mbe ka Mardochee amawendanga yilumbu na yilumbu uyetsuna dulombili dundagu bagetu bakaga uyejaba nana Esther avu na nana bamamukelisilanga.

¹²Bamamana yilima udugusu adimasonugu mu diambu dibagetu: mu tsungi yisiamunu bamagolila matsi na mira na tsungi tsisusu tsisiamunu bamagolilanga bima bimbunga jiboti abimaba biwelimina na bagetu. Kadi numba amawenda va temu andi ombu kaga Xerxes.

¹³Ava amarambuyilanga o ndagu jibagetu uwenda o ndagu jikaga bamamusingisa ubega abi amaba na nsala.

¹⁴Amakelasa ombu kaga tsisiga, kedi amasindugu o ndagu jimubeji jibagetu ombu Chaachgaz muvangu ukaga agumakelisanga maronda mandi. Asamamuegabuganga ombu kaga yika pa kaga amaba na nsala andi na amamunengila.

¹⁵Yilumbu yimosi Esther amawenda ombu kaga; Esther agumaba muana mugetu uAbihail agu Mardochee amabungula. Amavonda yika abi Hegue agumaba muvangu ukaga na mukelisi ubagetu amamusolila ubega.

¹⁶Esther amabegu ombu kaga Xerxes o ndagu andi mu tsungi jimugumi ajivu tsungi jiTebet mu yilima yimusambuali yidurumu duandi.

¹⁷Kaga amaronda Esther uviolila bagetu botsu basusu; amadila maboti na amalasu ubueji va gusu andi uviolila banumba botsu basusu. Amamuduisa dugaba dubukaga na amamuvaga mugatsi andi va yivinga yiVasti.

¹⁸Kaga amalambisila mulambu uduyitsu duEsther; amamuenengila baneni na basalitsi bandi. Amavega basalitsi botsu yilumbu yimosi yiuvuma na amavega miensili nana kaga eveyingi.

¹⁹Bamamuegukiga banumba kumu ajimubeji. Mardochee amaba musalitsi umosi o ndagu kaga.

²⁰Mbe ka Esther asamatubula muJuif avu mu mbariMardochee amamugandisa; amamudedilanga dedi mosi nana ava amabila o ndagu andi.

²¹Yilumbu yimosi ava Mardochee amasalila yisalu yiandi o ndagu kaga, amagulu yiri Bigtan na Terech abamaba bakelisi bamakotulu mandagu kaga bamanyoyila Xerxes kabu jineni na bamaronda umuboka.

²²Mardochee anodijaba amalubusa Esther agumayetsingulila Mardochee mambu meni ombu kaga.

²³Diambu dieni dinokelulu dimalabu dingensa. Botsubabeji bamalelugu. Kaga amaruma yiri dionyi diusonugu mudibuku dibakaga.