Read Punu Esther 5 Bible Online

Esther 5 - Punu bible

Esther 5

¹Bilumbu birieru biubusilauji binosukila Esther amamueduara biduaru biandi bimugatsi kaga mbana amawenda o ndagu kaga, uyikota o tindi ndagu andi. Kaga amaba atsana va yitsiga yiandi yibukaga va nsungisini na yiabutsu.

²Kaga anolaba mugatsi andi Esther diteli va dulombili amagaangu na yingeba; kaga amasamba Esther muansu andi ulora. Esther amabambana na amabemba kodu muansu.

³Kaga amamuwivula rie: Diambu yi Esther? Yi guirondi? Ne pa diuba yiasi yibufumu buami, yiuguvegu.

⁴Esther amawaka rie: Aa kaga, pa guilabi divu diwelimina jenu na Haman dukaruga namunyi o mulambu agu nsidulambila.

⁵Kaga amaruma rie: Lensanu noyenengila Haman nana Esther erondili. Mbana jogu botsu babeji bamawenda o mulambu aguEsther amalambisa.

⁶Banomana uji kaga amawivula Esther rie: Yi guikwivuli? Ne pa diuba yiasi yibufumu buami, yiuguvegu.

⁷Esther amawaka rie: Ayi nyirondi uguwivula ayiyi:

⁸Aa kaga, pa guna nsala umuendasa yingeba nopega aji nyirondi, jenu na Haman dukaruga o mulambu agu nyudulambisila mugesa. Mbana nyugutsingula adivu nami.

⁹Vana yilumbu yieni Haman amabasa na nsangu ava amaruyila o mulambu tumba anolaba Mardochee agusamamuyitsa atsana va gusu ndagu kaga amamunyoyila tindi kabu.

¹⁰Ne nana amasuega kabu andi na amayenagabuga o ndagu andi. Mbana amatinda mutu uyelanda bambatsi bandi na mugatsi andi Zerech.

¹¹Haman amabadendulila mandi motsu: busina buandi buneni; dutalu dubaana bandi bababaala; nesi ama kaga amamuvayila umumatisa uviolila basefu botsu na basalitsi basusu.

¹²Mbana amabuelarie: Namunyi yika jetu na kaga tumanengulu uyeji mulambu uEsther. Mugesa jetu na kaga tumuewenda ombu gandi.

¹³Tumba motsu mana magaa na tsongu ombu gami pa nyilabingi Mardochee muJuif eni utsana etsani va gusu ndagu kaga.

¹⁴Kabogu mugatsi andi Zerech na bambatsi bandi botsu bamamulonsa rie: Religa muiri umagumabeji na metera yiranu; mugesa kedi gukawivula kaga musuga uleliga Mardochee muna muiri eni; mbana gukawenda na nsangu o mulambu. Dionyi dimalasa Haman ubueji, kabogu amareliga muiri.