Read Punu Esther 7 Bible Online

Esther 7 - Punu bible

Esther 7

¹Kaga na Haman bamamuewenda o mulambu uEsther mugatsi kaga yilumbu ayimubeji.

²Banomana uji kaga amawivula Esther rie: Yi guikwivuli? Ne pa diuba yiasi yibufumu, yiuguvegu.

³Esther mugatsi kaga amawaka rie: Pa divu diwelimina ndasi yingeba, peyi monyu. Adina nyivondi na kokolu gobula batu bami wandi! Adina nyiguwivuli.

⁴Jetu na batu bami tumasumbusu uboku tsiri ulasu yingeba. Mbe tumasumbusu yika uba baviga mbe ngogutsoyisa.

⁵Kaga Xerxes amawivula Esther rie: Aguna yi? Anyi etasi uvaga nana?

⁶Esther amawaka rie: Muvinitsi etu nesi mukuanitsi etu la Haman; avu mutu mubi! Haman amakambulu tindi ukambulu va gusu kaga na mugatsi andi.

⁷Kaga amaretsama na kabu na amasila tavula uyenawenda o gusu kana. Haman anolaba yiri kaga amagana umuboka amasiala uyewivula Esther mugatsi kaga umugobula.

⁸Ava kaga amagabuyila o gari ndagu o yibuku yimulambu amalabila Haman agumakebuage va tangi aji Esther abetsili. Amagamuga rie: Kabogu mutu egugu erondi ubivisa mugatsi kaga va misu mami nesi o ndagu kaga? Mbe kaga yika uvosa evosi basalisti bandi bamakubiga Haman yinsi.

⁹Umosi va gari ogu, diina diandi Haibona amavosa na kaga, jandi rie: Kaga, jaʼ beni Haman amakunsila Mardochee muiri uyemuleliga, dibaala dieni agumagugobula. Muiri egugu uvu va gusu kana jindagu Haman; uvu magumabeji na metera yiranu. Kaga amaruma rie: Yeleliga Haman.

¹⁰Haman amalelugu va muiri agu amakunsila Mardochee. Mbana kabu jikaga jimasaguga.