Read Punu Ukumuga 20 Bible Online

Ukumuga 20 - Punu bible

Ukumuga 20

¹Mbana Nsambi amavosa mambu memama motsu rie:

²Menu la Fumu Nsambi agumagupalisa o buviga o bulongu buEgypte.

³Guyayitsanga bansambi basusu, yika menu.

⁴Guyavala bakosi vo ne yibagunu yiotsu yibima abivu o julu vo ne abivu vava tsi vo ne abivu o mamba amavu o tsi butamba;

⁵guyagudama va gusu ogu na guyabasalila. Menu la Fumu Nsambi agu; nyivu Nsambi aguvu na diwavi, oyikilisi bataji mu diambu dimabi mogu nesi baana, nesi bategula te na bandelabongu, diwendi rie: botsu abepini,

⁶na oyilasi yingeba te na tosini jikula ombu jogu abetondi na abekelisi maruma mami.

⁷Guyaranguna diina diFumu Nsambi agu kulini; mu mbari Fumu agotamba nokilisa jogu aberanguni diina diandi kulini.

⁸Rangimina yilumbu yitsona uyivaga yingitsi.

⁹Gusalanga bisalu biagu biotsu mu bilumbu bisiamunu.

¹⁰Tumba yilumbu yimusambuali yivu yilumbu yitsona yiFumu Nsambi agu: guyasala ne yisalu yimosi mu yilumbu yieni, ne ndeju ne muana agu udibaala ne umugetu ne musalitsi agu udibaala vo umugetu ne yiruitsi yiagu ne muenyi aguitsani o ndagu agu.

¹¹Mu bilumbu bisiamunu buandi nyimasunda julu na butamba na mubu na biotsu abivu muna, mu yilumbu yimusambuali nyimavuma: la dibandu menu Fumu nyimavayila yilumbu yitsona na nyimayivaga yingitsi.

¹²Yitsa taji agu na nguji agu yiri gununanga o bulongu abu menu Fumu Nsambi agu nyiguveyi.

¹⁴Guyavaga bumbembu.

¹⁶Guyasingisila mutu nagu bumbeji bumfurulu.

¹⁷Guyanyungila ndagu jimutu nagu; guyanyungila mugatsi umutu nagu, nesi musalitsi andi udibaala vo umugetu, nesi ngombi andi nesi buru andi nesi yima yiotsu ayivu na mutu nagu.

¹⁸BaIsrael botsu bamagulungu bidumi na diufi dimumbanda; bamalabililanga milutsu na mukongu agumapalanga nsumbili. Ava bamabilabililanga bamagaangu na goma na bamakakana na mukongu.

¹⁹Bamatsingula Moise rie: Ndeʼ beni gukavosa netu, tugulu, tumba Nsambi ayamuevosa netu mu mbari tukefu.

²⁰Moise amatsingula batu rie: Duyakambulu, Nsambi atsisunduga uyiduweliga mbana dumuduma te na dugomuevaga masumu.

²¹BaIsrael bamagusuga tumba Moise amabambana o dimungi agu Nsambi amaba.

²²Fumu amatsingula Moise rie: Gukatsingula baIsrael rie: Dumagulu diufi diami adimaruyila o julu.

²³Duyamuevaga bakosi balora jivema nesi balora; duyababambasana nami.

²⁴Gukatungila yinyensulu yipagu yibutamba va julu yionyi gupagulila pagu tsiunyensa, na pagu tsiagu tsikabusulu tsimaboti na bindombu biagu na binsabi biagu na bangombi bagu. Va mbura tsiotsu atsi nyukelasa ombu gagu nyuruga uyigugabila miula.

²⁵Pa gutungila yinyensulu yipagu yimamanyi guyamapaka mu mbari nsibusa yinyensulu yipagu yimamanyi mapaku yivu yisabulu.

²⁶Guyatungila yinyensulu yipagu ayivu yisakama ayi gumatanga na yikadi, bakelaba penyi agu.