Read Punu Job 16 Bible Online

Job 16 - Punu bible

Job 16

¹Job amawaka rie:

²Nyimalegulu mambu memama kama tsikumbu; jenu botsu duvu babembiyitsi abenyoyisi. Jenu aduivosi rie:

³Temu yi posulu tsikulini tsiusukila? Dibandu yi guiwaguli?

⁴Mbe diambu diedidi divu nenu meʼ wami mbe nyuvosa dedi mosi nenu: mbe nyudukambisa na posulu mbe nyudumuangisila muru

⁵mbe nyuduwarisa na posulu mbe nyudubembiga na posulu wandi.

⁶Pa nyuvosa maguga mami magodiama! Pa nyuba sui maguga mami modiama?

⁷Nsambi amatsiemusa mangolu mami. Amagudisa batu bami botsu.

⁸Nsambi amapega mitutu mimukata amivu yilimba, digasu diami divu yilimba yimbela ami.

⁹Na kabu andi Nsambi amansola uwarila maguga, endukingi, epayili duweriti, muvinitsi ami endikuli.

¹⁰Batu bensiminingi, bendimbingi mu mabanga, bensiengingi, bamatunga fundu umfuengilila.

¹¹Nsambi amakwakisa ombu bafudu abavu na bikumbu, amakwakisa ombu abagekipi yitu nesi migaga.

¹²Nyibetsi sui, Nsambi amakungisa amakaanga va dilanga-dikodu, amambuaga va tsi, amansungula na amapaga nsunda;

¹³barela bandi utsiengila bensiengili. Asamandasa yingeba ava amandemisila murima, amapansa bigari biami va tsi.

¹⁴Amandemisa mapura na mapura; nyimamulaba nderi mutoyitsi umavita.

¹⁵Nyimaduara siela; nyimagolana difufundu.

¹⁶Misu mami yika mamungi, yinsi yiami yimaranda nolilanga;

¹⁷mbunga dufu jigaa va makaka mami, dusambu duami dumabanganga dusungama.

¹⁸Aa butamba buyakubiga malungu mami; migamu miami miyaba yilosi!

¹⁹Mbeji ami avu kala o julu, nyiina, mbeji ami avu o tindi julu.

²⁰Diuleba bambatsi bami bendensi, tumba na matsanga nyitatili Nsambi.

²¹Mbeji ami avosingi va gari jetu na Nsambi, dedi mosi nana mutu esingisili bumbeji bumutu.

²²Nyiina, bilima biami yika usuka bisuki, nyuvioyila mu nsila aji ngomuegabuyila.