Read Punu Job 2 Bible Online

Job 2 - Punu bible

Job 2

¹Kabogu yilumbu yimosi bisi julu bamawenda na misamu ombu Fumu; mufuengilitsi amawenda va mosi nogu.

²Fumu amamuwivula rie: Agunyi guiruyili? Mufuengilitsi amawagula Fumu rie: Utsiengila nyiyenatsiengilanga bulongu.

³Fumu amamuwivula rie: Gutsilaba musalitsi ami Job? Vagaa mutu aguvu nana jandi va butamba. Avu asunda na asungama na endumingi na eviningi mabi. Amawara diuleba amalasu maguga amasamaba na dibandu.

⁴Mufuengilitsi amawivula Fumu rie: Mbe gumabemba nyuru tsiandi? Tsia mutu uotsu ekipi nyuru tsiandi uviolila bima biandi?

⁵Tumba samba dikaka diagu, bemba nyuru tsiandi. Tulelaba, agogusienga va misu mabatu?

⁶Fumu amatsingula mufuengilitsi rie: Laba nyumuwakisa ombu gagu; dimosi buandi ayafu.

⁷Satan amakegusula va gusu Fumu. Mbana amanamusu Job masieyi ubandila na matambi te no julu muru.

⁸Job amabonga yitengi yimbuta uyenakegaranga na amatsana va dibufu.

⁹Mugatsi andi amamutsingula rie: Guwarila motsu mana? Uviolila ubueji usienga Nsambi nofu!

¹⁰Tumba Job amamugabusila rie: Atsina posulu tsidiela guivosi? Ayina yi? Tudilanga yika maboti ombu Nsambi tugorungula usinga maguga wandi? Mu motsu mana Job asamavosa ne diambu dimosi adimatsirisa Nsambi murima.

¹¹Bambatsi barieru baJob: Elifaz muisi Teman na Bildad muisi Chouha na Sofar muisi Naama bamagulu maguga motsu maJob. Mutu mutu amarambuyila o ndagu andi uyebenguna ulila nandi nomubembiga.

¹²Banomulabilila basamamuemujaba. Bamagamuga na bamalila; bamapasa bijungi biogu na bamabuaga difufundu va julu miuru miogu.

¹³Bamatsana va tsi va mugula andi yisambuali yibilumbu na yisambuali yimikolu tsiri uvosa ne diambu dimosi mu mbari bamalaba yiri amagulungu tindi buali.